दाङ । राष्ट्रिय जनमोर्चा घोराही उपमहानगरको सम्मेलन सम्पन्न भएको छ । सम्मेलनको उद्घाटन राजमो केन्द्रीय सदस्य तथा जिल्ला अध्यक्ष गणेश आचार्यले मैनबत्ती बालेर गर्नु भएको थियोे ।
उहाँले सम्मेलन उद्घाटन गर्दै देशमा राजनैतिक अनिश्चय र मूल्य विघटनको शृङ्खला सुरु भएको बताउनु भयो । राष्ट्रिय जनमोर्चा मात्र निष्ठा र स्वाभिमानको राजनीतिलाई आफ्नो मुख्य विषय बनाएको उहाँको भनाई थियो ।
सम्मेलनलाई राष्ट्रिय जनमोर्चा जिल्ला सदस्य चन्द्रबहादुर नेपाली, कृष्णा राना, अखिल नेपाल कानुन व्यवसायी संघका केन्द्रीय उपाध्यक्ष नुमानन्द आचार्य, अखिल नेपाल बुद्धिजीवी संघ जिल्ला अध्यक्ष चुनचुन केसी, जातीय समता समाज जिल्ला अध्यक्ष सूर्यलाल नेपाली, अखिल नेपाल ट्रेड युनियन महासंघ (अन्टुक) जिल्ला सचिव कमल पन्थी, अखिल नेपाल युवक संघ जिल्ला कोषाध्यक्ष श्रीराम भट्टराई, जिल्ला सदस्य सुमन घर्ती, अखिल नेपाल महिला संघ नगर अध्यक्ष हिरा खनाल, सुरेश कुमार पाण्डे, प्रगतिशील पत्रकार संघ जिल्ला सदस्य बलदेव विक लगायतले सम्मेलन सफलताको शुभकामना दिनु भएको थियोे ।
नगर अध्यक्ष हरि खरेलको अध्यक्षतामा भएको कार्यक्रममा सञ्चालन सचिव मनिराम खनाल र स्वागत नगर उपाध्यक्ष चन्द्रबहादुर रावतले गर्नु भएको थियोे । सम्मेलनमा जेष्ठ सदस्य बुद्धिराम खड्का र प्रेमलाल पोख्रेललाई खादा र अबिरद्वारा सम्मान गरिएको थियोे ।
सम्मेलनले मनिराम खनालको अध्यक्षतामा २९ सदस्यीय नगर समिति निर्वाचित गरेको छ । समितिको उपाध्यक्षमा चन्द्रबहादुर रावत, सचिव रामप्रसाद पोख्रेल, सहसचिव हिरा खनाल र कोषाध्यक्ष झबिन्द्र कालाथोकी चयन हुनुभएको छ ।
सदस्यहरुमा मोहन रिजाज, ज्ञानबहादुर घर्ती, लोकबहादुर ओली, नारायण घर्ती, पोषण नेपाली, सुसिला नेपाली, कल्पना घर्ती, देबा पाण्डे, जागेश्वर न्यौपाने, शुद्धबहादुर बाठा, रोमप्रसाद पोख्रेल, कुन्ता खड्का, डोरबहादुर केसी, श्रीराम भट्टराई, दीपक केसी, जितबहादुर पुन, सोभाखर आचार्य रहनुभएको छ ।
यस्तै, सल्लाहकारहरुमा हरि खरेल, नारायण पोख्रेल, चेतबहादुर राहु, सुरेश पाण्डे, वसन्त केसी र सूर्यलाल नेपाली रहनु भएको छ ।
