काठमाडौं । सोमबार साँझ त्रिभुवन विमानस्थलबाट उडान गर्दा आगोको झिल्का देखिएको फ्लाइ दुबईको जहाज दुबईमा सुरक्षित अवतरण गरेको छ ।
दुबई अन्तर्राष्ट्रिय विमानस्थलका अनुसार ५७६ एफजेड उडान नम्बरको उक्त जहाज स्थानीय समयअनुसार मंगलबार बिहान १२ः११ बजे अवतरण भएको छ।
सोमबार बेलुका ९ः२३ बजे विमानस्थलबाट उडान भरे लगत्तै उक्त जहाजको इञ्जिनमा ठूलो आवाजसहित आगोको झिल्को देखिएको थियो।
जहाजमा चरा ठोक्किएर इञ्जिनमा खराबी देखिएको विमानस्थल कार्यालयले जनाएको छ ।
नेपाल नागरिक उड्डयन प्राधिकरणका सहायक प्रवक्ता ज्ञानेन्द्र भुलका अनुसार जहाजको इञ्जिनमा खराबी आएपछि आकस्मिक अवतरणको तयारी समेत गरिएको थियो। तर, पाइलटले जहाज सामान्य अवस्थामा रहेको र गन्तव्य जाने भनेपछि विमानस्थलका अधिकारीले उडान खुलाउने निर्णय लिएका थिए।
जहाजमा १६७ यात्रु सवार रहेको विमानस्थलले जनाएको छ।
काठमाडौंको आकाशमा जहाजमा देखियो आगो
