खलङ्गा । प्युठानमा राष्ट्रिय जनमोर्चा स्वर्गद्वारी नगर समितिको प्रथम सम्मेलन सम्पन्न भएको छ ।
राजमो केन्द्रीय सदस्य तथा मल्लरानी गाउँपालिका अध्यक्ष कृष्ण खड्काको प्रमुख आतिथ्यमा मंगलबार जलुके धर्मशालामा सो कार्यक्रम सम्पन्न भएको हो ।
प्रमुख अतिथि खड्काले उद्घाटन गर्नुभएको उक्त कार्यक्रममा राजमो जिल्ला उपाध्यक्ष इमानसिंह खड्का, राजमो जिल्ला सचिवालय सदस्य तथा स्वर्गद्वारी नगरपालिकाका उपमेयर मीनराज रानामगर, राजमो रोल्पाका सदस्य बुद्धबहादुर राउत, अखिल नेपाल किसान महासङ्घ (अप्फा) का जिल्ला उपाध्यक्ष यमप्रसाद शर्मा, अखिल नेपाल जनजाति सम्मेलनका जिल्ला सचिव घनबहादुर जिएम, जातीय समता समाजका पुनाराम परियार, अखिल (छैठौं) जिल्ला कोषाध्यक्ष लक्ष्मन पुनलगायतले शुभकामना दिनुभएको थियो ।
सम्मेलनले गिरबहादुर गुरुङको अध्यक्षतामा ११ पूर्ण पाँच सल्लाहकार गरी १६ सदस्यीय नगर समिति गठन गरेको छ ।
समितिको उपाध्यक्षमा गङ्गाराम बिसी, सचिवमा द्रोण रावल, कोषाध्यक्षमा शिव पन्थी तथा सदस्यहरूमा रामबहादुर रोकाय, तीर्थमडी पोखरेल, खुमा अधिकारी, बबिता विक, शोभा राना, धनबहादुर पुन र यमुना भण्डारी रहनुभएको छ ।
सम्मेलनले सल्लाहकारमा इन्द्रबहादुर खड्का, निमबहादुर पुन, खिमानन्द योगी, बुद्धिराम पुन र मीना बुढाथोकीलाई चयन गरेको छ ।
नवनिर्वाचित समितिलाई मीनराज रानाले बधाई दिनुभएको थियो ।
इन्द्रबहादुर खड्काको अध्यक्षता तथा गिरबहादुर गुरुङको स्वागत तथा गङ्गाराम बिसीले सञ्चालनमा सम्मेलन सम्पन्न भएको थियो ।
