शंकरप्रसाद पोख्रेल, बुटवल ।
राष्ट्रिय जनमोर्चा रुपन्देही छैठौं जिल्ला सम्मेलन २०८० साल जेठ २६र २७ गते बुटवलमा हुने भएको छ। बुधबार बसेको जिल्ला समितिको बैठकले सम्मेलनको मिति निर्धारण गरेको हो ।
जिल्ला सम्मेलन सफल पार्न विभिन्न समिति गठन गरिएको जिल्ला अध्यक्ष बद्रे आलामले जानकारी दिनुभयो ।
उहाँका अनुसार सम्मेलनको व्यवस्थापकीय जिम्मेवारी अध्यक्ष आलामलाई, प्रचार प्रसारको जिम्मेवारी जिल्ला सचिव टान बहादुर केसीलाई र आर्थिक व्यवस्थापनको जिम्मेवारी केपी पोख्रेललाई दिइएको छ ।
सम्मेलनले गरिब किसानका मुद्दा, बढ्दो महंगी, संघीयता खारेजी, गणतन्त्रको रक्षा र राष्ट्रिय स्वाधिनताको रक्षाको लागि आवाज उठाउने सचिव टानबहादुर केसीले बताउनुभयो ।
गत फागुनमा बुटवलमै सम्पन्न राष्ट्रिय जनमोर्चाको राष्ट्रिय परिषद बैठकले जिल्लाहरुको सम्मेलन गर्ने निर्णय थियो ।सोही आधारमा रुपन्देहीसमेतका जिल्लाहरुले धमाधम सम्मेलनको तयारी गरिरहेका छन् ।
