खलङ्गा । प्युठान जिल्लाको उत्तरी भागमा अवस्थित खवाङमा राष्ट्रिय जनमोर्चाको भेला सम्पन्न भएको छ ।
राजमो प्युठानको छैटौँ जिल्ला सम्मेलन र राजमो नौबहिनी गाउँपालिकाको प्रथम सम्मेलन सफलताको अभियानलाई अगाडि बढाउदै नौबहिनी गाउँपालिका–४ खवाङमा २०७९ चैत १९ गते पाँचौ वडा भेला सम्पन्न भएको हो ।
राजमो केन्द्रीय सदस्य नारायण जिसी, राजमो पालिका समितिका सचिव सम्राट पुनमगरको विशेष आतिथ्यमा सम्पन्न सो भेलाको अध्यक्षता राजमो वडासमितिका अध्यक्ष हर्कबहादुर पुनले गर्नुभएको थियो ।
भेलाले जितबहादुर पुन अध्यक्ष रहनुभएको सात पूर्ण, दुई वैकल्पिक र दुई सल्लाहकार गरी ११ सदस्यीय राजमोको वडासमिति निर्वाचित गरेको छ । समितिको उपाध्यक्षमा जीवन पुन, सचिवमा भक्तबहादुर पुन र कोषाध्यक्षमा झमा पुन रहनुभएको छ ।
त्यस्तै, सदस्यहरूमा प्रेमबहादुर झाँक्री, भीमबहादुर पुन, सचिन झाँक्री, पोबी घर्ती र नोमी पुन तथा सल्लाहकारहरूमा हीराबहादुर पुन र हर्कबहादुर पुन रहनुभएको छ ।
सो क्षेत्र राजमोको अत्यन्त पुरानो आधारक्षेत्रमध्येको एउटा क्षेत्र हो । राजमोका पुराना,पाका र मेहनती अनुहार शीत यहाँ प्रत्येक कार्यक्रममा भेट हुने अवसर मिल्ने गर्दछ।
