महेन्द्रनगर । रक्तिम सांस्कृतिक अभियान कञ्चनपुरको जिल्ला भेला सम्पन्न भएको छ । शनिबार महेन्द्रनगरस्थित राष्ट्रिय जनमोर्चाको कार्यालयमा भएको भेलाले नयाँ नेतृत्व चयन गरेको छ ।
अभियानको जिल्ला अध्यक्षमा मञ्जु परियार चयन हुनुभएको छ । परियार दुई दशक भन्दा बढी समयदेखि भारत प्रवासबाट नै रक्तिममा क्रियाशील हुनुहुन्छ । उहाँ रक्तिम सांस्कृतक अभियानको सुदूरपश्चिम प्रदेश संयोजकसमेत रहनुभएको छ ।
यस्तै, सचिवमा शिखा कार्की र कोषाध्यक्षमा लोकराज चुनारा चयन हुनुभएको छ । सदस्यहरुमा हेमन्ती परियार, खगेन्द्र पुन, गंगा परियार र अञ्जली परियार चयन हुनुभएको छ भने दुई स्थान रिक्त राखिएको छ ।
यसैगरी, हेमन्ती परियारको संयोजकतत्वमा रक्तिम परिवारको कलाकार टिमसमेत गठन गरिएको छ । जसको सदस्यमा निरु चुनारा, दिपीका चौधरी, एलिसा चौधरी, वंशिका विक, सन्तोष सुनार, गौतम आउजी, हस्त परियार, सपना परियार र अञ्जली नेपाली रहनुभएको छ ।
भेलालाई रक्तिम सांस्कृतिक अभियानका केन्द्रीय सदस्य बाबुराम आचार्य र राष्ट्रिय जनमोर्चाका जिल्ला सचिव लालबहादुर कुँवरले शुभकामना दिनुभएको थियो ।
आगामी वैशाख १, २ र ३ गते रक्तिमको चौथो राष्ट्रिय सम्मेलन बुटवलमा हुँदैछ । राष्ट्रिय सम्मेलनको तयारीका शिलशिलामा रक्तिमले विभिन्न जिल्लामा भेला तथा सम्मेलनका कार्यक्रमहरु गरिरहेको छ ।
