काठमाडौं । नेकपा (मसाल) का महामन्त्री मोहनविक्रम सिंहले हालै सम्पन्न स्वतन्त्र विद्यार्थी युनियनको निर्वाचनमा अखिल (छैठौं) ले प्राप्त गरेको मत देशको राजनीतिक भविष्यका लागि महत्वपूर्ण हुने बताउनुभएको छ ।
अखिल (छैठौं) को तर्फबाट स्ववियुमा निर्वाचित विद्यार्थी नेताहरुलाई सोमबार सम्मान गर्दै महामन्त्री सिंहले अखिल (छैठौं) ले प्राप्त गरेको उपलब्धि तथा विजयले ठूलो महत्व राख्ने बताउनुभयो ।
त्यस अवसरमा महामन्त्री सिंहले त्रिभुवन विश्वविद्यालय केन्द्रीय क्याम्पसमा स्ववियु सदस्यमा निर्वाचित अखिल (छैठौं) का केन्द्रीय सचिव पुरन पोख्रेल र संगठनका अध्यक्ष देवेन्द्र कुँवर, केन्द्रीय सदसय विवेक जिसीलगायत विद्यार्थी नेताहरुलाई खादा ओढाएर सम्मान गर्नुभएको थियो ।
कपनस्थित राष्ट्रिय जनमोर्चाको केन्द्रीय कार्यालयमा आयोजित कार्यक्रममा सम्मानित व्यक्तित्व त्रिविका स्ववियु सदस्य पोख्रेलले स्ववियु निर्वाचनमा गरेको अनुभव व्यक्त गर्नुभएको थियो भने अध्यक्ष देवेन्द्र कुँवरले देशभर अखिल (छैठौं) ले प्राप्त गरेको उपलब्धिबारे जानकारी गराउनुभएको थियो ।
त्रिवि केन्द्रीय क्याम्पसमा अखिल (छैठौं) ले झण्डा फहरायो
बागलुङको बरेङ क्याम्पसमा अखिल (छैठौं) को प्यानल निर्विरोध
नेकपा (मसाल) का प्रवक्ता रामप्रकाश पुरीले सञ्चालन गर्नुभएको कार्यक्रममा राजमो नेता कार्यकर्ता तथा अखिल (छैठौं) मा आवद्ध विद्यार्थीहरुको सहभागिता रहेको थियो ।
त्रिवि केन्द्रीय क्याम्पसमा आइतबार सम्पन्न स्वतन्त्र विद्यार्थी युनियन (स्ववियु) को निर्वाचनमा सदस्य पदका उम्मेदवार पोख्रेल ६१० मतसहित विजयी हुनुभएको हो ।
