बागलुङ बजार । बागलुङको बरेङस्थित सर्वोदय क्याम्पसमा अखिल (छैठौं) को प्यानल निर्विरोध निर्वाचित भएको छ ।
२०७९ चैत ५ गते आइतबार सम्पन्न स्ववियु निर्वाचनमा अरू कुनै विद्यार्थी सङ्गठननको उम्मेदवारी नपरेपछि अखिल (छैठौं) को प्यानल निर्विरोध भएको हो ।
सो घोषणा क्याम्पस स्ववियु निर्वाचन संयोजक शिक्षक रूपनारायण शर्माले गर्नुभएको थियो ।
निर्वाचित स्ववियुको सभापतिमा गणेश पौडेल, उपसभापतिमा सरस्वती शर्मा, सचिवमा भुवनकुमार ढकाल, सहसचिवमा गोमा शर्मा, कोषाध्यक्षमा जानकी काउचा, समानुपातिक सदस्यमा सुशिला छन्त्यालपुन, अनुष्का विक, सिजन थापा तथा प्रत्यक्ष सदस्यहरूमा सपना काउचा, गङ्गा शर्मा र कमला पौडेल निर्वाचित रहनुभएको छ ।
निर्वाचित पदाधिकारीलाई निर्वाचन संयोजक रूपनारायण शर्माले शपथ ग्रहण तथा प्रमाणपत्र प्रदान गर्नुभएको थियो ।
सो अवसरमा सर्वोदय क्याम्पस प्रमुख फूलकुमारी शर्मा, सर्वोदय माध्यमिक विद्यालयका प्रधानाध्यापक चित्र थापा, शिक्षक कृष्णप्रसाद आचार्यलगायतले सफल कार्यकालको बधाईसहित शुभकामना दिनुभएको थियो ।
कार्यक्रम सर्वोदय क्याम्पस सञ्चालक समिति अध्यक्ष केहरसिङ पुनको अध्यक्षता, निर्वाचन समितिका सदस्य ओमबहादुर पुनको स्वागत तथा शिक्षक प्रसान्त शर्माको सञ्चालनमा सम्पन्न भएको थियो ।
स्ववियु कार्यसमितिको पदावधि दुई वर्षको हुने व्यवस्था छ ।
बरेङस्थित सर्वोदय क्याम्पस त्रिभुवन विश्वविद्यालयको आङ्गकि तथा सम्बन्धनप्राप्त शिक्षण संस्था हो ।
