काठमाडौँ । नयाँबजारस्थित अवसर बचत तथा ऋण सहकारी संस्थाले सहकारीका समिति र उपसमितिको क्षमता विकाससम्बन्धी तालिम सम्पन्न गरेको छ ।

सहकारीविद् कृष्णप्रसाद आचार्यको उपस्थितिमा २०७९ चैत द्ध गते आधारशिला कलेज हलमा सो कार्यक्रम सम्पन्न भएको हो ।

सो अवसरमा मन्तव्य राख्दै आचार्यले केही समयदेखि अर्थतन्त्र ओरालो लाग्दो अवस्थामा रहेको सहकारी क्षेत्रलाई दृढ इच्छाशक्ति र बलियो सहकार्यले बचाउन सकिने बताउनुभयो ।

नेपालको अर्थतन्त्रमा विभिन्न प्रकारका चुनौती देखा परे पनि एउटा स्पष्ट योजना तथा कार्यविधिका साथ सहकारी आन्दोलनलाई अगाडि बढाएमा जस्तोसुकै कठिन चुनौतीलाई परास्त गर्न सकिने’ उहाँको तर्क थियो ।

संस्थाका अध्यक्ष भोलानाथ ढकालको अध्यक्षतामा सम्पन्न उक्त कार्यक्रमको सहजीकरण संस्थाका सचिव रघुनाथ पौडेलले गर्नुभएको थियो ।