दिनेश रैदास, दाङ ।
राप्ती उद्योग वाणिज्य संघ भालुबाङले आयोजना गरेको पाँचौ राप्ती लुम्बिनी प्रादेशिक कृषि, पर्यटन तथा व्यापारिक महोत्सव २०७९ को सुरु भएको छ ।
‘कृषि पर्यटन तथा कला संस्कृतिको पहिचान। पाँचौ राप्ती लुम्बिनी प्रादेशिक कृषि पर्यटन तथा व्यापारिक महोत्सव २०७९ को शान’ भन्ने मुल नारा सहित आज (फागुन १९ गते) देखि चैत १ गते सम्म चल्ने सो महोत्सवको उद्घाटन लुम्बिनी प्रदेशका उद्योग पर्यटन तथा यातायात व्यवस्था मन्त्री जनकीलाल यादवले गर्नु भयो।
आफ्नो उद्घाटन मन्तब्यमा उहाँले लुम्बिनी प्रदेशको राजधानी राप्ती उपत्यका देउखुरीको मुख्य व्यापारिक केन्द्र रहेको भालुबाङमा राप्ती उद्योग वाणिज्य संघ भालुबाङले यो महोत्सव राखेर लुम्बिनी प्रदेशकै उद्योग पर्यटन तथा कृषि लाई टेवा दिने उद्देश्यले गरेको कार्य सराहनी रहेको बताउनु भयो ।
धार्मिक पर्यटकीय महत्व बोकेको प्यूठानको स्वर्गद्वारी तपोभूमिलाई विश्वसामु चिनाउने उद्देश्यले पूर्व पश्चिम राजमार्गको भालुबाङ र भालुबाङ प्युठान रोल्पा सडकको मुख्यद्वार रहेको पुल्चोकमा रु पचास लाखको लागतमा स्वर्गद्वारी प्रवेशद्वार बनाउने आफ्नो मन्त्रालयको कार्यक्रमको जानकारी गराउनु भयो।
कार्यक्रममा राष्ट्रिय जनमोर्चाका कार्यकारी अध्यक्ष एवम् सविधान सभा सदस्य रश्मिराज नेपालीले शुभकामना दिनुभएको थियो ।
त्यस्तै, लुम्बिनी प्रदेशका भौतिक पूर्वाधार विकास मन्त्री इन्द्रजीत थारु, राप्ती गाउँपालिकाका अध्यक्ष प्रकाश विष्ट, नेकाका विद्याशरण चौधरी, नेकपा माओवादी केन्द्रका वसन्त नेपाली, नेकपा एमालेका टोपबहादुर झाक्री, राष्ट्रिय जनमोर्चाका नेता का ठाकुर प्रसाद आचार्य, एेरावती आदर्श बहुमुखी क्याम्पस सञ्चालक समितिका अध्यक्ष केशव राज खनाल, प्रधानाध्यापक विष्णुप्रसाद भुसाल, नेपाल पत्रकार महासंघ लुम्बिनी प्रदेश परिषद सदस्य महेश रिजाल लगायतले शुभकामना मन्तव्य दिनु भएको थियो।
उद्घाटन समारोहमा विभिन्न मौलिकता झल्किने गरी विभिन्न जातजातिका मौलिकतामा आधारित सांस्कृतिक झाँकीहरु र विभिन्न संघ संस्था एवं विद्यालयहरुबाट झाँकी तथा पिटी प्रदर्शन गरिएको थियो।
राप्ती उद्योग वाणिज्य संघका अध्यक्ष सुरज बहादुर खड्का सभापतित्तवा, मसचिव नारायण शर्माको सञ्चालन र वरिष्ट उपाध्यक्ष बाबुराम थापाको स्वागत मन्तब्यबाट कार्यक्रम शुरुभएको थियो ।
