टेकराज भुसाल, बुटवल ।
अखिल नेपाल जनजाति सम्मेलन रुपन्देहीको दोस्रो जिल्ला अधिवेशन शनिबार बुटवलमा सम्पन्न भएको छ। अधिवेशनले नारायण पुनको अध्यक्षतामा १३ सदस्यीय जिल्ला समिति चयन गरेको छ ।
समितिको उपाध्यक्षमा हरि राहाडि, सचिव प्रेम थापा, सहसचिव कर्ण बहादुर थापा, कोषाध्यक्षमा अमृता पुन र सदस्यहरुमा बिमल कुमार श्रीस, दिपक घर्ती, मिना पुन, भिम बहादुर थापा तथा वैकल्पिक सदस्यहरुमा होम बहादुर काउचा, नरेन्द्र श्रीनेट, खुम बहादुर थापा चयन हुनुभएको छ । सल्लाहकारमा भिम बहादुर सिजापति, केशर राना र थान बहादुर पुनलाई चयन गरेको छ।
अधिवेशनलाई सम्बोधन गर्दै जनजाति सम्मेलनका महासचिव राम बहादुर बुढाले सरकारले पिछडिएका, लोपउन्मुख जाती र जनजातिहरुलाई संरक्षण नगरेको आरोप लगाउँदै उनीहरुको संरक्षण गर्न माग गर्नुभयो ।
सरकारी कार्यलयहरुमा मातृभाषा नभएका कारण आदिवासी तथा जनजातिहरुलाई समस्या परेको भन्दै बुढाले सरकारी कार्यलयहरुमा मातृभाषाको प्रयोग गर्दै विद्यालयहरुमा समेत मातृ भाषा पठनपाठन गराउनुपर्ने बताउनु भयो ।
कार्यक्रमलाई प्रदेश सांसद तारा जिसी, नेकपा (मसाल) रुपन्देहीका प्रवक्ता नारायण जिसी, राष्ट्रिय जनमोर्चा रुपन्देहीका सचिव टान बहादुर केसी र अखिल नेपाल किसान महासंघ रुपन्देहीका अध्यक्ष गणेश गौतमले शुभकामना मन्त्वय राख्नु भएको थियो ।
कार्यक्रममा अखिल नेपाल बुद्धिजीवी संघका केन्द्रीय सचिवालय सदस्य दुर्गानाथ खरेल, जनजाति सम्मेलनका केन्द्रीय उपाध्यक्ष एलबि राना, केन्द्रीय सदस्य रामबहादुर जिएम, राम बहादुर पुन, कम्युनिस्ट संग्रहालय नेपालका अध्यक्ष चेतनाथ आचार्य, अखिल नेपाल उधोग व्यापार संघ रुपन्देहीका सचिव गंगालाल सापकोटा, अखिल (छैठौं) रुपन्देहीका अध्यक्ष सरोजमान सिंह, जातीय समता समाजका जिल्ला अध्यक्ष दिल प्रसाद बिक, अखिल नेपाल महिला संघ रुपन्देही अध्यक्ष भानु जिसी, अखिल नेपाल शिक्षक संघका प्रतिनिधि कमला बञ्जाडे, प्रगतिशील पत्रकार संघ नेपाल रुपन्देहीका सदस्य टेकराज भुसाल लगायतको उपस्थित रहेको थियो ।
कार्यक्रम अखिल नेपाल जनजाती सम्मेलन रुपन्देही जिल्ला अध्यक्ष बिमल कुमार श्रीसको अध्यक्षता, जिल्ला उपाध्यक्ष भिम बहादुर सिंजापतीको स्वागत र खगेन्द्र श्रीसको सञ्चालन सम्पन्न भएको थियो ।
