दाङ । राष्ट्रिय जनमोर्चाका नेता सुरेश थापाले देशमा फेरि प्रतिगमनको खतरा गम्भीर रुपमा आएका बताउनुभएको छ । राष्ट्रिय जनमोर्चा गढवा गाउँपालिका समितिको आयोजनामा गढवामा भएको विरोध सभालाई सम्बोधन गर्दै थापाले प्रतिगमनलाई कम नआँक्न सुझाव दिनुभयो।
उहाँले नेकपा (एमाले) र एमालेका अध्यक्ष केपी ओलीले प्रतिगमनलाई आड भरोसा दिएको आरोप पनि लगाउनुभयो ।
राष्ट्रिय जनमोर्चा लुम्बिनी प्रदेश समितिका सल्लाहकारसमेत रहेका थापाले भन्नुभयो, ‘देशमा अहिले पनि प्रतिगमनको गम्भीर खतरा रहेको छ । प्रतिगामी शक्ति फेरि सलबलाउन थालेका छन् । प्रतिगमनकारीरूको नेतृत्व नेकपा (एमाले) र केपी ओलीले गरेगरेका छन् ।’
सभालाई सम्बोधन गर्दै राष्ट्रिय जनमोर्चा दाङ जिल्ला सचिवालय सदस्य शुक्रराज भण्डारीले संघीयताका कारण देश असफल राष्ट्रमा परिणत हुँदै गएको बताउनु भयो । देशको अर्थतन्त्र धराशायी हुँदै गएको बताउँदै साधारण खर्च पनि भविष्यमा देशको बजेटले धान्न नसक्ने अवस्था रहेको बताउनु भयो । संघीयता खारेजीको विकल्प नरेहकोले नागरिकलाई संघीयताविरुद्ध आवाज उठाउन आह्वान पनि गर्नु भयो ।
राष्ट्रिय जनमोर्चा गढवा गाउँपालिका समितिका अध्यक्ष कपिलदेव खनाल आफ्नो मन्तब्य राख्नु भएको कार्यक्रमको सञ्चालन सचिव टुकमान कुँवरले गर्नु भएको थियो ।
