हेटौँडा । बागमती प्रदेश सभा सदस्य लक्ष्मी घिमिरेले संघीयताको औचित्य नभएको बताएकी छिन् ।
मंगलबार सामाजिक संजाल फेसबुकमा स्टाटस लेख्दै सांसद घिमिरेले आफू प्रदेश सांसद भैरहँदा अझ संघीयता आवश्यक नभएको लाग्न थालेको बताएकी छिन्।
राष्ट्रिय प्रजातन्त्र पार्टी (राप्रपा) की सांसद घिमिरेले लेखेकी छन्, ‘हिजो पनि प्रदेशको काम छैन भन्ने नै लाग्थ्यो। आज म आफैँ प्रदेश सांसद भैसकेपछी झन् प्रदेशको कुनै औचित्य छैन भन्ने कुरामा स्पष्ट हुँदै छु। हामी हरेक पटकको बैठकमा संघीयता खारेजीको माग गर्छौं। संघीयता देश र जनताको लागि बोझ भैसकेको छ ।’
बागमती प्रदेश सभामा राप्रपाका १३ सांसद निर्वाचित भएर आएका छन्। जसमध्ये एक प्रदेश सभा सभामुख र तीन मन्त्रीसमेत भएका छन् ।
संघीय सरकारमा समेत सामेल रहेको राप्रपाले संघीयता खारेजीको मुद्दा उठाउँदै आएको छ ।
हिजो पनि प्रदेशको काम छैन भन्ने नै लाग्थ्यो। आज म आफै प्रदेश सांसद भैसकेपछी झन प्रदेशको कुनै औचित्य छैन भन्ने कुरामा स्पष्ट हुँदै छु। हामी हरेक पटकको बैठकमा संघियता खारेजीको माग गर्छौं। संघियता देश र जनताको लागि बोझ भैसकेको छ। pic.twitter.com/FIqWeNv8ur
— Laxmi Ghimire (@laxmighimire41) February 7, 2023
