बुटवल । एमसीसी र सीमा अतिक्रमण विरुद्ध नौ दलले शुक्रबार आयोजना गर्ने जनप्रदर्शनमा सहभागी ति दलले आह्वान गरेका छन् । बुधबार नौ दलका तर्फबाट नेकपा (मसाल) रुपन्देहीका प्रवक्ता नारायण जिसीले माघ २४ गते बुटवलमा हुने जनप्रदर्शनमा सहभागी हुन अपिल गर्नुभएको हो । नेकपा (मसाल), क्रान्तिकारी माओवादी लगायतका नौ राजनीतिक दलले एमसीसी र सीमा अतिक्रणविरुद्ध शुक्रबार बुटवलसहित सातै प्रदेशका प्रमुख शहरहरु काठमाडौँ, विराटनगर, जनकपुर, पोखरा, सुर्खेत र धनगढीमा जनप्रदर्शनको तयारी गरेका छन् ।
नेकपा (मसाल) रुपन्देहीका प्रवक्ता जिसीद्वारा बुधबार जारी वक्तव्यमा भनिएको छ, ‘नेकपा (मसाल) क्रान्तिकारि माओवादी लगायत ९ वामपन्थी दलको संयुक्त बैठक वामपन्थी नेता चेतनाथ आचार्यको अध्यक्षतामा बुटवलमा सम्पन्न भयो।
भारतले नेपाली भू–भाग कालापानी, लिपुलेख, लिम्पियाधुरालाई आफ्नो नयाँ नक्सामा सामेल गरि नेपाली भूमिको अताक्रमण गरेको लगायत सिमा क्षेत्रमा दैनिक जसो भैरहेको अतिक्रमण र अमेरिकी साम्राज्यवादले ईन्डो–प्यासिफिक रणनीति अन्तर्गत एमसीसी सम्झौता नेपाल मा संघीय संसदबाटनै पारित गरि शक्ति राष्ट्रको क्रिडास्थल बनाउन गरिरहेको प्रयत्नको बिरोधमा ९ वामपन्थी दलले सातै प्रदेशमा माघ २४ गते निर्धारित गरेको बिरोध प्रदर्शन सफल पार्न आम जनतामा अनुरोध गर्ने निर्णय गरेको छ।
५ नं प्रदेश स्तरीय बिरोध सभा माघ २४ गते दिउँसो १ बजे बुटवल नयाँ बस पार्कबाट -याली सुरू भै ट्राफिक चौकमा सभामा परिणत हुनेछ । बिरोध सभालाई ९ वामपन्थी संगठनका नेताहरूले सम्वोधन गर्ने कार्यतालिका रहेको छ । उक्त संयुक्त कार्यक्रमलाई सफल पार्न बैठकले ब्यापक प्रचार–प्रसार सहित आवश्यक तयारी र जिम्मेवारी निश्चित गरेकोछ । देशको स्वाधिनता र अखण्डताको रक्षाको लागि हुन गैरहेको विशाल कार्यक्रममा सहभागीताको लागि ९ वामपन्थी संगठन आम राष्ट्रप्रेमी जनसमुदायसित बिनम्र अनुरोध गर्दछौं ।’
यो पनि पढ्नुहोस्ः
एमसीसी र सीमा अतिक्रमण विरुद्ध संयुक्त संघर्ष गर्ने नौ दलको घोषणा
