धनगढी । सुदूरपश्चिम प्रदेशको मुख्यमन्त्रीमा नेकपा (एमाले) का राजेन्द्रसिंह रावल नियुक्त भएका छन् ।
बुधबार प्रदेश प्रमुख देवराज जोशीले संविधानको धारा १६८ को उपधारा (२) अनुसार रावललाई मुख्यमन्त्रीमा नियुक्त गरेका हुन्।
एमाले संसदीय दलका नेता समेत रहेका रावल नेकपा माओवादी केन्द्र, नागरिक उन्मुक्ति पार्टी र राप्रपाको समर्थनमा प्रदेशको दोस्रो मुख्यमन्त्री नियुक्त भएका हुन् ।
५३ प्रदेश सभा सदस्य रहेको सुदूरपश्चिममा सरकार गठनका लागि २७ सांसदको आवश्यक पर्दछ। प्रदेश सभाका २९ सांसदको समर्थन लिएर रावलले मुख्यमन्त्रीमा दाबी गरेका थिए।
उनलाई नेकपा माओवादी केन्द्र (११), नेकपा एमाले (१०), नागरिक उन्मुक्ति (७) र राप्रपा (१) सहित कूल २९ सांसदको समर्थन रहेको छ ।
प्रदेश प्रमुखको कार्यालयले बिहीबार बिहान मुख्यमन्त्रीको पद तथा गोपनियताको शपथ ग्रहणको कार्यक्रम राखेको छ ।
