काठमाडौं । झापाका निराकार पाण्डेको कम्बोडियामा आगलागीमा परी भएको निधनप्रति राष्ट्रिय जनमोर्चाले दुःख व्यक्त गरेको छ ।
राजमो उपाध्यक्ष एवम् प्रवक्ता दुर्गा पौडेलले शनिबार एक विज्ञप्ति प्रकाशित गरी उनको निधनप्रति गहिरो दुःख प्रकट गर्दै शोक सन्तप्त परिवारमा हार्दिक समवेदना व्यक्त गर्नुभएको छ ।
‘कम्बोडियाको एउटा क्यासिनो होटलमा आगालागी हुँदा दुःखद मृत्यु हुने मध्येका नेपालका झापा जिल्ला बिर्तामोड नगरपालिका–१ निवासी ४० वर्षीय निराकार पाण्डेप्रति हाम्रो पार्टी राष्ट्रिय जनमोर्चाले गम्भीर दुःख प्रकट गर्दै सन्तप्त परिवारजनप्रति हार्दिक समवेदना प्रकट गर्दछ । यसका साथै हामीले मृतकप्रति भावपूर्ण श्रद्धाञ्जली अर्पण गर्दछौँ’ उपाध्यक्ष पौडेलद्वारा जारी विज्ञप्तिमा उल्लेख छ ।
कम्बोडियास्थित ग्रान्ड डायमन्ड सिटी होटल एन्ड क्यासिनोमा शुक्रबार भएको भीषण आगलागीमा परी पाण्डेको मृत्यु भएको थियो । उनले आगलागीबाट बँच्न होटलको १२ औँ तलाबाट हाम फालेपनि ज्यान बचाउन सकेनन् ।
हामफाल्नुअघि पाण्डेले घरपरिवारसँग गरेको कुराकानी र नौ वर्षीय छोरालाई सम्झाएको भिडिआले अहिले विश्वभरीका नेपालीको ध्यानाकर्षण गरेको छ ।
यो पनि : कम्बोडियामा निराकारको मृत्युले विर्तामोड शोकाकुल
