काठमाडौँ । नेपाल कम्युनिस्ट पार्टी स्थापनाकालका पुराना नेता हर्ष स्याङ्बोको निधन भएको छ ।
९७ वर्षीय स्याङ्बोको २०७९ मङ्सिर ७ गते बुधबार साझ ७ बजे आफ्नै निवास भक्तपुरस्थित मनोहरा सुकुम्बासी बस्तीमा निधन भएको हो ।
स्याङ्बोको निधनपश्चात् उहाँको पार्थिव शरिरलाई स्वयम्भूस्थित गुम्बामा अन्तिम श्रद्धाञ्जलीका लागि राखिएको थियो । उहाँलाई नेकपा एमालेका स्थायी कमिटी सदस्य तथा पूर्वमन्त्री कृष्णगोपाल श्रेष्ठले नेपाल कम्युनिस्ट पार्टीको झन्डा ओडाएर अन्तिम श्रद्धाञ्जली व्यक्त गरे ।
श्रद्धाञ्जली सभामा राष्ट्रिय जनमोर्चाका नेता रोशन दानीलगायत नेता–कार्यकर्ताहरूको उपस्थिति रहेको थियो ।
स्याङ्बो पुष्पलालसंगै विभिन्न मोर्चामा बसेर काम गरेका थिए । उनले भूमिगत कालमै राणा परिवारकी छोरी विद्या राणासँग प्रेपश्चात् विवाह गरेका थिए ।
छोरी कमलासँगै बस्दै आएका स्याङ्बोका दुई छोरी जन्म भएको थियो भने एक छोरीको निधन भएको थियो ।
