जापान । जापानमा बुधबार भएको नेपाली महिलाको हत्या आरोपमा एक नेपाली पक्राउ परेका छन् ।
रुपन्देहीकी ४२ वर्षीया लक्ष्मीकुमारी बस्नेत अधिकारीको बुधबार चक्कु प्रहर गरी हत्या भएको थियो । सो आरोपमा ३७ ववर्षीय विश्वराज आचार्य पक्राउ परेका हुन् ।
जापानी संचारमाध्यमका अनुसार जापानको गुन्मा प्रान्त इसेसाकिसहरस्थित एक अपार्टमेन्टमा लक्ष्मीको हत्या भएको थियो ।
बुधबार राति करिब ११ः३० बजे इसेसाकी शहरको ओटा–चोमा रहेको सो अपार्टमेन्टमा बस्ने अर्को एकजनाले ‘कुनै समस्या भएको जस्तो देखिन्छ’ भनेर प्रहरीलाई जानकारी गराएसँगै प्रहरी त्यहाँ पुगेको थियो ।
प्रहरीले अपार्टमेन्टमा पुग्दा दोस्रो तल्लाको कोठाको प्रवेशद्वारमा रगत बगिरहेको अवस्थामा घाइते अधिकारीलाई भेटेपछि अस्पताल लगेको थियो । उनलाई अस्पताल पुर्याइए पनि अस्पतालले उनको मृत्यु भएको पुष्टि गरेको थियो ।
प्रहरीले गरेको अनुसन्धानबाट नेपाली नागरिकता भएकी अधिकारी आंशिक कर्मचारीको रूपमा काम गर्ने गरेकी देखिएबाट उनी आश्रित भिसामा जापानमा रहेको हुनसक्ने बताइएको छ ।
खुकुरी प्रहार गरी हत्या गरेको आशंकामा प्रहरीले आचार्यलाई पक्राउ गरेको हो । प्रत्यक्षदर्शीले दिएको जानकारीअनुसार उनलाई पक्राउ गरि अनुसन्धान थालिएको जापान प्रहरीले जनाएको छ । आरोपित आचार्यले भने आफू निर्दोष रहेको बताएका छन् ।
जापानमा नेपाली महिलाको चक्कु प्रहार गरी हत्या
