काठमाडौं । भारतीय कांग्रेसका नेता राहुल गान्धी यतिबेला ‘भारत जोडो यात्रा’ नामक अभियानमा छन् ।
गान्धीले भारतब्यापी अभियान सञ्चालन गरिरहँदा बुधबार महाराष्ट्रको वाशिम पुगेका थिए । त्यहाँ जब गान्धीको नेतृत्वमा सभा सुरु हुन्छ, भारतीय राष्ट्रगीतको सट्टा नेपाली राष्ट्रगान बज्न थाल्छ ।
सामाजिक सञ्जालमा भाइरल भएको भिडिओमा राहुल गान्धी र कांग्रेसका केही नेताहरू मञ्चमा उभिएको देखिन्छ । यसैबीच राहुलले नजिकै उभिएका नेतालाई राष्ट्रिय गान बजाउन आग्रह गर्छन् । यसपछि सबैजना सतर्कताको मुद्रामा उभिन्छन् ।
तर त्यहाँ नेपाली राष्ट्रगान ‘सयौँ थुंगा फूलका हामी एउटै माला नेपाली…’ बज्न गाल्छ । भूलवश नेपालको राष्ट्रिय गान बजेपछि राहुलले तुरुन्तै त्यो रोक्न र राष्ट्रगान बजाउन आग्रह गर्छन् । अनि भारतको राष्ट्रगान बज्न थाल्छ ।
भाजपा नेताहरुले यो भिडिओ सेयर गरेर प्रश्न उठाइरहेका छन्। उक्त भिडिओ सामाजिक सञ्जालमा भाइरल बनाइएको छ।
भारतीय कांग्रेसको ‘भारत जोडो यात्रा’मा त्यहाँको राष्ट्रिय गानको सट्टा गलत गीत (नेपालको राष्ट्रगान) बजाएको भन्दै राहुल गान्धीलाई सामाजिक सञ्जालमा ट्रोल गरिएको छ।
It took 15 seconds for Rahul Gandhi to realize that his party is playing a wrong National song pic.twitter.com/19bGKPV1uF
— Rishi Bagree (@rishibagree) November 17, 2022
