बाँके । राष्ट्रिय जनमोर्चाले आइतबार कोहलपुरका विभिन्न स्थानमा घरदैलो अभियान सहित कोणसभा गरेको छ।
बाँकेको क्षेत्र नं १ अन्तर्गत कोहलपुरका न्युरोड,चपरगौरी, मदनचोक, कौशिलानगर लगाएतका स्थानहरुमा राजमोले समानुपातिक उम्मेदवारहरुको प्रचार प्रसार तथा घरदैलो सहित कोणसभा सम्पन्न गरेको हो ।
कोणसभामा सम्बोधन गर्दै अखिल नेपाल किसान महासंघका महासचिव तुलसीराम सापकोटाले प्रतिगामी षडयन्त्रबाट देशलाई बचाउन मंसिर ४ को आमनिर्वाचनमा वाम–लोकतान्त्रिक गठबन्धन गरिएको प्रस्ट पार्नुभएको थियोे ।
साथै उहाँले गणतन्त्र र राष्ट्रियताको रक्षाका साथै संघीयता खारेजी गरी देश विखण्डन हुनबाट बचाउन राष्ट्रिय जनमोर्चाका प्रतिनिधि सभा र प्रदेश सभाका समानुपातिक उम्मेदवारहरुलाई विजयी गराउन जनताहरुलाई आह्वान गर्नुभएको थियोे ।
सभामा राजमो बाँकेका उपाध्यक्ष जगदीश ढकाल, सहसचिव मनबहादुर सुनार, अखिल नेपाल महिला संघका केन्द्रीय सदस्य पूर्णकला भण्डारी लागाएतले सम्बोधन गर्नुभएको थियो।
