काठमाडौं । नेपाल कम्युनिष्ट पार्टी (मसाल) का महामन्त्री मोहनविक्रम सिंहले दिवंगत जनवादी गायिका लक्ष्मी गुरुङको नेपालको जनवादी सांस्कृतिक आन्दोलन र पार्टी संगठनमा अतुलनीय योगदान रहेको बताउनुभएको छ ।
रक्तिम सांस्कृतिक अभियान केन्द्रीय समितिले वरिष्ठ गायिका गुरुङको स्मृतिमा आयोजना गरेको एक भर्चुअल कार्यक्रमलाई सम्बोधन गर्दै महामन्त्री सिंहले लक्ष्मी गुरुङ शारीरिक रुपमा असक्त भएपनि चेतनाको हिसावले सशक्त रहेको बताउनुभयो ।
‘लक्ष्मी गुरुङ शारीरिक रुपमा अशक्त भएपनि विचार र चेतनाको हिसाबले शसक्त हुनुहुन्थ्यो’ महामन्त्री सिंहले भन्नुभयो, ‘ नेपालको जनवादी सांस्कृतिक आन्दोलन र पार्टी संगठनको जीवनमा उहाँको अतुलनीय योगदान रहेको छ ।’
कार्यक्रममा लक्ष्मी गुरुङको स्मृतिमा तयार पारिएको श्रद्धाञ्जली गीतको विमोचन समेत गरिएको थियो । विमोचित गीतको प्रगतिशील लेखक संघका केन्द्रीय उपाध्यक्ष समिर सिंहले समिक्षात्मक टिप्पणी राख्नु भयो ।
कार्यक्रममा राष्ट्रिय जनमोर्चाका नेता सुरेश थापा, मृतक गुरुङका छोरा रविन गुरुङ लगायत देश विदेशबाट विभिन्न व्यक्तिहरुको सहभागिता रहेको थियो ।
रक्तिम सास्कृतिक अभियानका सल्लाहकार मिना बुढाथोकीको अध्यक्षता सम्पन्न कार्यक्रममा अभियानका अध्यक्ष गिरीप्रसाद बुढाको प्रमुख आतिथ्यता रहेको थियो ।
कार्यक्रमको सञ्चालन अभियानका उपाध्यक्ष हेमराज आश्रम र स्वागत केन्द्रीय सदस्य थमराज ढुंगानाको गर्नु भएको थियो ।
जनवादी गायिका गुरुङको गत वर्ष कात्तिक २५ गते रुपन्देहीको भैरहवामा निधन भएको थियो । गुरुङको निधन भएको एक वर्ष पुगेको दिन शुक्रबार) कात्तिक २५ गते रक्तिमले उहाँको स्मृतिमा कार्यक्रम आयोजना गरेको हो ।
सामन्तवादी तथा साम्राज्यवादी संस्कृति अन्त्यका लागि रक्तिमकी पहरेदार लक्ष्मी गुरुङ
लक्ष्मी गुरुङको व्यक्तित्व र योगदानको बारेमा
