रवि पौडेल ##
चुनाव आयो साथी
अब चुनावसँगै विकास आउँछ
चुनाव नजिकियो साथी
अब विकास पनि नजिक आउँछ

चुनाव आयो साथी
अब चुनावसँग शिक्षा पनि आउँछ
नेता चुनाव प्रचार गर्न आए साथी
अब शिक्षामा पनि कमाल हुन्छ

चुनाव आयो साथी
अब चुनावसँगै स्वास्थ्यको विकास हुन्छ
नेताहरूले चुनावी माला लगाए साथी
अब पाँच वर्षलाई स्वास्थ हुन्छ

चुनाव आयो साथी
चुनावसँगै गाउँमा प्रशस्त रोजगार आउँछ
नेताहरू रोजगार दिने कुरा गर्छन् साथी
जब चुनाव जितेर जान्छन्
रोजगार त आफै लिन्छन् साथी

चुनाव आयो साथी
चुनावसँग बाटोघाटो र पुलपुलेसा बन्छन् साथी
जनताले भोट विश्वासमा दिएपछि
पाँच वषलाई उनै माथि जान्छन् साथी

चुनाव आयो साथी
चुनावसँगै विकासको मुल फुट्छ साथी
जब चुनाव जितेर जान्छन् नेता
जनताको दिल टुट्छ साथी

चुनाव आयो साथी
चुनाव सँग गाउँमा नेता आयो साथी
नेता चुनाव जितेर जान्छ
अनि ऊ गायव भयो साथी

चुनाव आयो साथी
चुनावसँग प्रवासी नेपालीले भोट
दिन किन नपाउने ?
कुरो आउँछ पनि आयो साथी
जब नेता जितेर जान्छ
अनि ऊ प्रवास नेपालीको पक्षमा
बोल्दैनन् माथि

चुनाव आयो साथी
चुनावमा नेता छनौट गरौ साथी
बेइमानी र विश्वासघातीलाई हटाऊँ
इमानदार र विश्वासिलो व्यक्ति
जिताऊ साथी

नोभेम्बर १, २०२२