विराटनगर । राष्ट्रिय जनमोर्चाका मोरङका पूर्व जिल्ला सदस्य धनबहादुर थापाको दाहसंस्कार गरिएको छ ।
Advertisement
मोरङ, लेटाङ नगरपालिका–२ बुधबारेमा थापाको २०७९ कात्तिक १२ गते दाहसंस्कार गरिएको हो ।
दाहसंस्कार स्थलमा नेकपा (मसाल) मोरङका प्रतिनिधि विमल पौडेलले थापाको पार्थिव शरीरमा पार्टीको झन्डा ओढाउनुभएको थियो ।
श्रद्धाञ्जली कार्यक्रमको सञ्चालन जीवन बरालले गर्नुभएको थियो । उहाँले नै थापाको जीवनी र योगदानको बारेमा सङ्क्षिप्तमा प्रकाश पार्नुभएको थियो ।
दाहसंस्कारपूर्व एक मिनेट मौनधारण गरिएको थियो ।
दाहसंस्कार स्थलमा राजमो मोरङ दर्जनौँ नेता–कार्यकर्ताहरूको उपस्थिति रहेको थियो ।
थापाको हिजो कात्तिक ११ गते साँझ ७ बजे आफ्नै निवासमा निधन भएको थियो । उहाँ सुगर, प्रेसरबाट पीडित हुनुहुन्थ्यो ।
धनबहादुर थापाप्रति मसालको श्रद्धाञ्जली
