काठमाडौं । राष्ट्रिय जनमोर्चाले शिव पौडेल र शंकर बराललाई राष्ट्रिय सभा सदस्यको उम्मेद्वार बनाउने निर्णय गरेको छ।

मंगलबार बुटवलमा बसेको राष्ट्रिय जनमोर्चा केन्द्रीय समितिको बैठकले राष्ट्रिय सभाको निर्वाचनमा गण्डकी प्रदेश र प्रदेश नं. ५ मा भाग लिने निर्णय गरेको हो । अध्यक्ष चित्रबहादुर केसीले मंगलबार जारी गर्नुभएको वक्तव्यमा गण्डकी प्रदेशमा बराल र प्रदेश नंं. ५ मा पौडेललाई राष्ट्रियसभा सदस्यको लागि उम्मेदवार बनाउने निर्णय भएको जनाउनुभएको छ ।

राष्ट्रिय सभाको निर्वाचन आगामी माघ ९ गते हुँदैछ ।

यस्तै, बैठकले केन्द्रीय समितिको सल्लाहकारमा अमर थापालाई मनोनयन गरेको छ । बैठकले आगामी फागुन महिनाभरी संगठन निर्माण अभियान सञ्चालन गर्ने निर्णय पनि गरेको छ ।