काठमाडौं । नेपाल कम्युनिस्ट पार्टी (मसाल) ले युगदर्शन डटकम चौँथो वर्ष प्रवेश गरेको अवसरमा शुभकामना दिएको छ।
प्रवक्ता रामप्रकाश पुरीले पार्टीको तर्फबाट प्रेशित गर्नुभएको शुभकामना सन्देशमा ‘युगदर्शनले सबैखाले विकृतिबा अछुतो रहेर जनपक्षीय पत्रकारिता गर्दै आएको’ बताउनुभएको छ ।
शुभकामना सन्देशमा प्रवक्ता पुरीले युगदर्शनको प्रकाशनअघि पार्टीको सामग्री सम्प्रेषण गर्ने कुनै अनलाइन पत्रिका थिएन भन्दै अहिले युगदर्शनले पार्टीका सामग्री सेकेण्डमै संसारभर पुगाउन सफल भएको स्पष्ट पार्नुभएको छ ।
युगदर्शन डटकम आज (असोज ७ गते) देखि तेस्रो वर्ष प्रवेश गरेको हो ।
यस्तो छ, मसालको शुभकामना सन्देश
नेपाल कम्युनिस्ट पार्टी (मसाल)
केन्द्रीय कार्यालय
युगदर्शन डट कमलाई शुभकामना
हाम्रो पार्टीनिकटको अनलाइन सञ्चार माध्यम युगदर्शन डट कम आज (२०७९ असोज ७ गते) देखि तेस्रो वर्ष पूरा गरी चौथो वर्षमा प्रवेश गरेकोमा नेकपा(मसाल) लाई हर्षानुभूति भएको छ ।
आजभन्दा तीन वर्षअघि युगदर्शन डट कमको प्रकाशन सुरु भएको थियो । त्यसभन्दा अगाडि हाम्रो पक्षबाट आधिकारिक रूपमा समाचार तथाविचार प्रसारण गर्ने कुनै अनलाइन माध्यम थिएन । यो अनलाइनको प्रकाशन भएपछि हाम्रो पार्टी र पार्टीसम्बद्ध सामग्रीको दु्रतप्रचार प्रसारमा ठूलो मदत पुगेको छ । यस अनलाइनका कारणले हाम्रा सामग्री सेकेन्डभरमै विश्वभरि प्रचार प्रसार हुने गरेको छ । युगदर्शन डट कमको यस्तो भूमिकाका लागि हाम्रो पार्टी युगदर्शन डट कमलाई धन्यवाद ज्ञापन गर्दछ ।
अहिले नेपाल र संसारभरि नै सूचना प्रविधिको उच्च विकास भएको छ । त्यसले गर्दा विश्वभरिका गतिविधि इन्टरनेटको माध्यमबाट गाउँका कुनाकन्दारामा बसेर पनि सहजै प्राप्तगर्न सम्भव भएको छ । यो धेरै नै खुसीको परिघटना हो । त्यसका साथै साम्राज्यवादीहरूले सञ्चार माध्यमलाई आफ्नो हितसाधनको माध्यम बनाइरहेको अवस्था पनि छ । त्यस्तै, कतिपय व्यक्ति तथा संस्थाले निहित स्वार्थका लागि तथ्य बङ्ग्याउने वा पीत पत्रकारिता गरेको पनि पाइ्रन्छ । हाम्रो पार्टीले पनि नेपाली पत्रकारिता क्षेत्रको यस्तो विकृतिको सामना गर्ने गरेको छ ।
युगदर्शन डट कमले पत्रकारिता क्षेत्रका सबै खाले विकृतिबाट अछुतो रहेर जनपक्षीय पत्रकारिता गर्दै आएको छ । हाम्रो पार्टी युगदर्शन डट कमसित आगामी दिनमा पनि क्रान्तिकारी र जनपक्षीय पत्रकारिताको अपेक्षा गर्दै चौथो वर्ष प्रवेशको अवसरमा यसको उत्तरोत्तर प्रगतिको कामना गर्दछ ।
२०७९ असोज ७ गते शुक्रबार
रामप्रकाश पुरी
प्रवक्ता
