सन्तोष सुनार, सन्धिखर्क ।
अखिल (छैठौं) केन्द्रीय समितिले तय गरेको विद्यार्थी जागरण अभियान–२०७९ अन्तर्गत श्री चन्द्रप्रभा मावि खाँचिकोटमा विद्यार्थी भेटघाट सम्पन्न भएको छ ।
अखिल (छैठौं) का केन्द्रीय सदस्य तथा अर्घाखाँची जिल्ला अध्यक्ष जीवन नेपालीको उपस्थितिमा अभियानअन्तर्गत प्रशिक्षणात्मक भेला सम्पन्न भएको हो ।
भेलालाई सम्बोधन गर्दै अखिल (छैठौं) का केन्द्रीय सदस्य नेपालीले राजनीतिमा गलत र असक्षम व्यक्तिहरू आएकाले देशले दुःख पाएको बताउनुभयो ।
समाजको सक्षम र शिक्षित वर्ग भएकाले विद्यार्थीलाई राजनीति गर्दै उहाँले शिक्षामा भइरहेको निजीकरण र व्यापारीकरणका विरुद्ध सङ्घर्ष गर्न अखिल (छैठौं) मा आबद्ध हुन आग्रह गर्नुभएको थियो ।
भेलाले सुशील नेपाली अध्यक्ष रहनुभएको १५ सदस्यीय अखिल (छैठौं) चन्द्रप्रभा मावि मूल एकाइ समिति गठन गरेको छ† जसको उपाध्यक्षमा अस्मिता मुखिया, सचिवमा पार्वता परियार, सहसचिवमा रोहित खत्री र कोषाध्यक्षमा विवेक पन्थी रहनुभएको छ ।
त्यस्तै, सदस्यहरूमा सुप्रिया भट्टराई, आशिष पोख्रेल, प्रेम विक, सन्तोष रायमाझी, कोसिस पोख्रेल, सुनिल केसी, गौतम चुँदाली, कृपा भट्टराई र सपना पौडेललगायत रहनुभएको छ ।
भेला विवेक पन्थीको अध्यक्षता तथा सन्तोष सुनारको सञ्चालनमा सम्पन्न भएको थियो ।
पाणिनि क्याम्पसमा अखिल (छैठौं) को प्रशिक्षण, बीएड प्रथम वर्षमा समिति गठन
