कुल बहादुर छन्त्याल, बुर्तिबाङ ।
बागलुङको ढोरपाटन नगरपालिका वडा नं ३ मा राष्ट्रिय जनमोर्चाको वडा प्रशिक्षण भेला सम्पन्न भएको छ ।
राजमो केन्द्रीय सदस्य गौरीश्वर पाण्डेको प्रमुख आतिथ्यतामा सम्पन्न कार्यक्रममा जातीय समता समाजका केन्द्रीय सदस्य नर बहादुर सुनार र राष्ट्रिय जनमोर्चा ढोरपाटन नगर कार्यालय सचिव कुल बहादुर छन्त्यालले पनि प्रशिक्षण दिनु भएको थियोे ।
भेलाले राष्ट्रिय जनमोर्चा ढोरपाटन ३ सामाटोल समिति गठन गरेको छ । प्रेमलाल पाण्डेको अध्यक्षतामा गठित समितिको उपाध्यक्षमा विरलाल विक, सचिव खुम बहादुर खत्री र कोषाध्यक्ष दल बहादुर कुँवर रहनुभएको छ ।
सदस्यहरुमा रुद्रलाल पाण्डे, होम बहादुर घर्ती मगर, चन्द्रलाल भुसाल, रेशम खत्री, हस्तकला विक रहनुभएको छ ।
राष्ट्रिय जनमोर्चा ढोरपाटन–३ का वडाअध्यक्ष हिरा बहादुर खत्रीको अध्यक्षतातामा सम्पन्न प्रशिक्षण भेलाको स्वागत प्रेमलाल पाण्डे र सञ्चालन नारायण घर्तीले गर्नु भएको थियो ।
प्रमुख अतिथि पाण्डेले नवगठित समितिका समितिलाई सफल कार्यकालको शुभकामना मन्तव्य दिनु भएको थियो ।
