खिमराज चालीसे,चंडिगढ ।
मूलप्रवाह अखिल भारत नेपाली एकता समाजको हिसारमा जनजाति विभाग र समता विभागको पुनर्गठन भएको छ ।
आइतबार सम्पन्न भेलाले हिसार नगर समितिद्धारा सञ्चालित दुइवटै विभागको समिति पुनर्गठन गरेको हो।
नयाँ सदस्य हरुलाई जोडेर अझै सुदृढ पार्ने योजनाका साथ सम्पन्न सो भेला मूल प्रवाहका केन्द्रीय बैकल्पिक सदस्य तारा सोमारले व्यानर खोलेर करतार ध्वनीमा उदघाटन गर्नु भएको थियो । उदघाटन गर्दै उहाँले विभागहरुको महत्व र नयाँ कार्यक्रताहरुलाई पुराना कार्यक्रताहरुको विचमा काम गर्न सिकाउने पुलको रुपमा विभाग भएको स्पष्ट पार्नु भएको थियो।
भेलाले जनजाति विभागतर्फ मनबहादुर घर्ती मगरको संयोजकत्वमा १३ सदस्यीय विभाग गठन गरेको छ । जस्मा सदस्यहरु नवीन बगाले, रिमा बगाले, बिजय बलाल, रिमा कुवंर, डिलु बलाल, कमला बगाले, निर्मला घर्ती मगर, शान्ती मानन्धर, धन बहादुर दर्लामी, योगेन्द्र दर्लामी, शालिकराम कुमाल र अनिल रहनु भएको छ ।
त्यसैगरि समता विभागतर्फ श्याम बहादुर बिकको संयोजकत्वमा ९ सदस्यीय विभाग गठन गरेको छ । जसको सदस्यहरुमा तारा सुनार, संगिता गौतम, प्रीत बहादुर, मान सिंह परियार, बिना बिक, विष्णु नेपाली, कुसुम सोनि र एक रिक्त स्थान राखिएको छ।
महिलाका क्षेत्रीय सदस्य चन्द्रा सोमरे, नेपाली एकता समाज मलेसियाका पूर्व अध्यक्ष थमन थापा, नगर अध्यक्ष बाबुराम पोख्रेल,विद्यार्थीबाट दिपा लम्तरी, महिला बिभागकी सीता पोख्रेल, नगरका हुमाकान्त अधिकारी र एरियाबाट नारायण न्यौंपाने,ओम प्रकाश तिवारी र बिजय बलाल लगाएतले नवनिर्वाचित विभागहरुलाई वधाइ एंव शुभकामना दिनुभएको थियो ।
कार्यक्रम केहर सिंह घर्तिमगरको सञ्चालन, नारायण बिकको अध्यक्षता तथा योगेन्द्र दर्लामी र रक्तिम कलाकारहरुले स्वागत गर्नुभएको थियो।
