काठमाडौं । नेपाल पेट्रोलियम ढुवानी व्यवसायी महासंघले पूर्वघोषित आन्दोलन फिर्ता लिएको छ । बुधबार सरकारसँग तीन बुँदे सहमति भएसँगै पेट्रोल ढुवानी व्यवसायीको आन्दोलन फिर्ता भएको हो ।

उद्योग वाणिज्य तथा आपूर्ति मन्त्रालय, नेपाल आयल निगम र पेट्रोल ढुवानी व्यवसायी महासंघका पदाधिकारीबिच भएको छलफलमा तीन बुँदै सहमति भएको छ ।

व्यवसायीको माग अनुसार भाडा वृद्धि सम्बन्धि प्रतिवेदन आगामी असोजभित्रमा लागू गर्ने, नेपाल पेट्रोल टैंकर चालक संघ र नेपाल यातायात स्वतन्त्र मजदुर संगठनका मागआवश्यक छलफल गरी सम्बोधन गर्न सरकार तयार भएको हो ।

यस्तै पेट्रोल ढुवानी व्यवसायी महासंघ पनि आन्दोलन फिर्ता लिएर आजैदेखि आपूर्ति सहज बनाउन सहमत भएको छ ।