गिरीप्रसाद बुढा,कर्णाली प्रदेश ।
राष्ट्रिय जनमोर्चाको कर्णाली प्रदेशस्तरीय अगुवा कार्यकर्ता प्रशिक्षण कार्यक्रम सम्पन्न भएको छ । मंगलबार (२८ गते) बाट सुरु भएको दुइदिने प्रशिक्षण कार्यक्रम बुधबार (२९गते) समापन भएको हो ।
प्रशिक्षण कार्यक्रममा तात्कालिक राजनीतिक परिस्थिति, द्वन्द्वात्मक भौतिकवाद र लेनिनवादी संगठनात्म सिद्धान्तको विषयमा राजमो केन्द्रीय उपाध्यक्ष जनकराज शर्मा, सहकारीको विषयमा प्रदेश सदस्य शेरबहादुर परियार, विश्व दृष्टीकोणको विषयमा प्रदेश अध्यक्ष गिरीप्रसाद बुढा, प्राकृतिक स्रोत साधनको विषयमा प्रदेश उपाध्यक्ष कमल विक्रम शाही र संकृति र सांस्कृतिक रुपान्तरणको विषयमा प्रदेश समिति सदस्य लालबहादुर नेपालीले प्रशिक्षण दिनुभएको थियो ।
प्रशिक्षण पश्चात प्रदेशका विभिन्न जिल्लाबाट सहभागि अगुवा कार्यकर्ताहरूले आ–आफ्नो जिल्लाको सांगठनिक योजना प्रस्तुत गर्नु भएको थियो ।
त्यस्तै, राजमो कर्णाली प्रदेश सहइन्चार्ज रत्नविक्रम राना प्यासीले तात्कालिक कार्यक्रम र आगामी निर्वाचन सम्बन्धी कार्यक्रम प्रस्तुत गर्नु भएको थियो । यसैक्रममा आगामी निर्वाचनकोलागि रत्नविक्रम राना प्यासीको संयोजकत्वमा १३ सदस्यीय निर्वाचन परिचालन समिति गठन गरिएको छ ।
जसको सदस्यहरुमा गिरीप्रसाद बुढा, पुर्ण बहादुर शाही, कृष्णा रावल, गोविन्द प्रसाद सुवेदी, ढकन प्रसाद शर्मा, चनद्रप्रसाद प्याकुरेल, अग्नी प्रसाद उपाध्य, नरबहादुर सिंह, भुपेन्द्र नेपाली, देविदास सञ्ज्याल, कृष्ण बहादुर शाही, पूर्णबहादुर विसी रहनु भएको छ ।
प्रदेश अध्यक्ष गिरीप्रसाद बुढाको अध्यक्षतामा भएको उद्घाटन कार्यक्रममा अखिल नेपाल ट्रेड युनियनका केन्द्रीय सदस्य हिरा विक, अखिल नेपाल महिला संघका केन्द्रीय सदस्य कृष्णा रावल, अखिल (छैठौं) का कर्णाली प्रदेश अध्यक्ष महेश शर्मा, रक्तिम सांस्कृतिक अभियानका प्रतिनीधि झरणा राना लगायतको पनि आतिथ्यता रहेको थियो ।
प्रदेश सचिव पूर्णबहादुर शाहीको सञ्चालनबाट अधि बढेको कार्यक्रममा उपाध्यक्ष कमलविक्रम शाहीले स्वागत मन्तब्य ब्यक्त गर्नु भएको थियो ।
