शंकर प्रसाद पोख्रेल,गुल्मी ।
अखिल नेपाल जनजाती सम्मेलन गुल्मीको जिल्ला भेला सम्पन्न भएको छ । भेलाले गुमानसिङ पुनको अध्यक्षता नयाँ नेतृत्व चयन गरेको छ ।
समितिको उपाध्यक्षमा मित्रलाल तरामु, सचिव कमल पुलामी र कोषाध्यक्षमा बिष्णु माझी रहनुभएको छ ।
यस्तै, सदस्यहरुमा नर बहादुर माझकटी, हिरा तरामु, लाल बहादुर काउछा, वैकल्पिक सदस्यमा चित्र बहादुर थापा र झरना पुन चयन हुनुभएको छ । सल्लाहकारमा बिन बहादुर रेस्मी, चेतन पेमी, टेक बहादुर नाम्जाली र छबिलाल सर्तुङ्गी रहनु भएको जनजाती सम्मेलन गुल्मीले जनाएको छ ।
छबिलाल सर्तुङ्गीको अध्यक्षता र गुमान सिङ पुनको सञ्चालनमा अघि बढेको भेलामा मित्रलाल तर्मु मगरले स्वागत गर्नुभएको थियो । कार्यक्रमलाई जनजाती सम्मेलनका उपाध्यक्ष एलबि रानाले प्रमुख अतिथिको आशनबाट सम्बोधन गर्नुभएको थियो ।
यसैगरी राष्ट्रिय जनमोर्चाका जिल्ला अध्यक्ष जीवन राना, अखिल (छैटौं) का केन्द्रीय सदस्य पुरन पोख्रेल, राजमो जिल्ला सदस्य हरि न्यौपाने, अखिल नेपाल युवक संघ गुल्मीका अध्यक्ष खिम बहादुर बुचा, राजमो रेसुङ्गा नगर समितीका सचिव शंकर प्रसाद पोख्रेल, राजमो छत्रकोट गाउँपालिका सदस्य स्यामलाल पन्त, कमल अर्याल लगायत नेताहरुले भेला सफलताको शुभकामना दिनुभएको थियो ।
