कमल पौडेल, प्युठान ।
मल्लरानी गाउँपालिका वडा नं १ मा राष्ट्रिय जनमोर्चाको प्रशिक्षणात्मक भेला सम्पन्न भएको छ ।
कार्यक्रमलाई सम्बोधन गर्दै राजमो केन्द्रीय सदस्य एवम् जिल्ला अध्यक्ष कृष्ण बहादुर खड्काले नेपाली जनताको हित र कल्याणका लागि राष्ट्रिय जनमोर्चा भन्दा राम्रो अन्य कुनै पनि पार्टी नरहेको हुँदा सबै राष्ट्रवादी नेपाली राजमोको झण्डामुनी गोलबद्ध हुनुपर्ने बताउनुभयो । साथै नेता खड्काले मंसिर ४ गते हुने दुवै तहको निर्वाचनमा राजमोका उम्मेदवारहरुलाई गिलास चिह्नमा मतदान गरि जिजय गराउनको लागि आग्रह गर्नुभयो ।
कार्यक्रममा जनजाति सम्मेलनका महासचिव तथा मल्लरानी गाउँपालिकाका पूर्वअध्यक्ष अम्मरध्वज राना, राजमो लुम्बिनी प्रदेश सदस्य सरिता जिसि, अखिल नेपाल युवक संघ केन्द्रीय सदस्य तथा प्युठान जिल्ला अध्यक्ष कमल पौडेल, राजमो मल्लरानीका अध्यक्ष तथा कार्यपालिका सदस्य सूर्य बहादुर सार्की, वडाअध्यक्ष चिन्ता बहादुर राहु, अखिल (छैटौं)का केन्द्रीय परिषद सदस्य केसव बुढाथोकी, जातीय समता समाजका नेता रुमान नेपाली लगायतका नेताहरुले शुभकामना दिनुभएको थियो ।
राजमो मल्लरानी १ का अध्यक्ष रुमान केसीको अध्यक्षतामा सम्पन्न कार्यक्रममा स्वागत गिबराज पोख्रेल र सञ्चालन वामदेव पौडेलले गर्नुभएको थियो ।
उक्त भेलाले रुमान केसीको अध्यक्षतामा २१ सदस्यीय राजमो वडा समिति गठन गरेको छ । यस्तै, ज्ञानबहादुर राहुमगरको अध्यक्षतामा १९ सदस्यीय अखिल नेपाल युवक संघ र राधा कामीको अध्यक्षतामा १७ सदस्यीय अखिल नेपाल महिला संघ वडा समिति समेत गठन गरेको छ ।
ती समितिहरुले मल्लरानी १ का सबै टोल बस्तीहरुमा संगठन विस्तार गर्ने कार्यक्रम तय भएको छ ।
