कमल पौडेल, प्युठान ।
अखिल नेपाल युवक संघ प्युठानले जिल्लाको ९ वटै पालिकाहरुमा विशेष संगठनात्मक अभियान सञ्चालन गरेको छ ।
गत भाद्र ४ गते बाग्दुलामा बसेको बैठकले जिल्लाका ९ वटै पालिकाहरुमा बैठक, भेला र प्रशिक्षणका कार्यक्रमहरु तय गरेको थियो ।
सोही बैठकको निर्णय अनुसार जिल्लाका विभिन्न पालिकामा भेला, तथा प्रशिक्षणका कार्यक्रम सञ्चालन भइरहेको युवक संघ प्युठानले जनाएको छ ।
जसअनुसार भाद्र ६ गते मल्लरानी गाउँपालिकास्तरीय प्रशिक्षणात्मक भेला तथा बैठक सम्पन्न गरेको थियो । उक्त भेलाले असोक राना अध्यक्ष र वामदेव पौडेल सचिव रहेको १७ सदस्यीय समिति गठन गरेको थियो । भेला पछि बसेको बैंठकले मल्लरानिका पाँचवटै वडाहरुमा बैठक भेला र प्रशिक्षणका कार्यक्रमहरु सञ्चालन गर्ने निर्णय गरेको थियो ।
जसअनुसार वडा न २ मा भाद्र १८ गते, १ मा भाद्र २० गते,४ मा भाद्र २३ गते, ४ र ५ नम्बर यहि भाद्र २५ गते प्रशिक्षणात्मक भेला गर्ने निर्णय गरेको छ ।
त्यस्तै, गत भाद्र ८ गते झिम्रुक गाउँपालिकाको प्रशिक्षणात्म बैठक सम्पन्न गरेको थियो । जसअनुसार झिम्रुक गापाका ८ वटै वडाहरुमा प्रशिक्षणात्मक भेला गर्ने निर्णय गरिएको छ । जसअनुसार भाद्र ९ गते गौमुखी गाउँपालिकामा प्रशिक्षणात्मक बैठक सम्पन्न गरेको थियो । भाद्र १० गते स्वर्गद्वारी नगरपालिकामा पनि भेला तथा बैठक सप्पन्न भएको थियो । मनोज पुनको अध्यक्षतामा १५ सदस्यीय नगर समिति गठन गरि ९ वटै वडामा बैठक तथा प्रशिक्षणात्म कार्यक्रम सञ्चालन गर्ने निर्णय गरेको थियो ।
त्यस्तै, भाद्र ११ गते ऐरावती गाउँपालिकामा पनि प्रशिक्षणात्मक बैठक सम्पन्न भएको छ । उक्त बैठकले पनि यहि १८ देखि २५ गते सम्म सबै वडाहरुमा प्रशिक्षणात्मक भेला गर्ने निर्णय भएको छ । साथै यहि भाद्र २३ गते प्युठान नगरपालिकामा पनि प्रशिक्षणात्मक भेला गर्ने मिति ठेगान गरिएको युवक संघले जनाएको छ ।
उक्त भेला तथा प्रशिक्षण कार्यक्रमहरुमा युवक संघका केन्द्रीय अध्यक्ष कृष्णराज पाण्डे, केन्द्रीय उपाध्यक्ष हुमलाल नेपाली, केन्द्रीय सदस्य तथा प्युठान जिल्ला अध्यक्ष कमल पौडेल, केन्द्रीय सदस्य भारत ढकाल लगायतको उपस्थितिमा कार्यक्रमहरु सम्पन्न भएका थिए ।
