बेल रजाली मगर, राजस्थान ।
मूल प्रवाह अखिल भारत नेपाली एकता समाज महिला विभागको आयोजनामा भारतका विभिन्न स्थानमा प्रगतिशील गीत संगीतको आयोजना गरी तीज मनाइएको छ ।
हिन्दु महिलाहरुको महान पर्व तीजका अवसरमा मंगलबार मूल प्रवाह महिला विभागले विविध कार्यक्रमको आयोजना गरी प्रगतिशील रुपमा तीज मनाएको हो ।
भारतका अन्य स्थानमा जस्तै बीकानेर र नारनौलमा पनि नेपाली महिलाहरुले तीज मनाए।
बीकानेर
मूल प्रवाह महिला विभाग बीकानेरको आयोजनामा बीकानेरमा तीजी कार्यक्रम भव्यरुपमा सम्पन्न भएको छ । मूल प्रवाहका केन्द्रीय सदस्य मोहन गिरीको विशेष आतिथ्यतामा सम्पन्न कार्यक्रमको अध्यक्षता शान्ता देवीले गर्नु भएको थियो भने सन्चालन मनिषा भुलले गर्नु भएको थियो।
सो अवसरमा उपस्थित जनसमुदायलाई सम्बोधन गर्दै केन्द्रीय सदस्य गिरीले संगठनको महत्त्वबारे प्रकाश पार्नु भएको थियो ।
बीकानेरवासी नेपाली जनमानसको बाक्लो उपस्थिति रहेको उक्त कार्यक्रममा कलाकारहरूले गीत तथा नृत्य प्रस्तुत गरेका थिए ।
कार्यक्रममा लोक बहादुर पान्डे, कमला पान्डे, उषा विक, सबिता शर्मा रिता केसी, अस्मिता पान्डे थापा, मीरा भुल, सृजना पराजुली, रामप्यारी राना, सरु राना, भानु क्षेत्री, राजु विक, रामप्रसाद पोख्रेल, रामकुमार रसाली, बोम बहादुर विष्ट, पारस पराजुली, रामु राना, भोजराज पराजुली, विष्णु केसी, किशन भुल, बल बहादुर राना, श्रीप्रसाद शर्मा, विशाल अधिकारीले शुभकामना दिनु भएको थियो।
नारनौल
यता, मूल प्रवाह अखिल भारत नेपाली एकता समाज नारनौल नगर समितिको आयोजनामा तीज पर्व मनाइएको छ । नारनौलको बसअड्डा नजिक यादव धर्मशालामा कार्यक्रम भब्य एवम् शानदार रूपमा सम्पन्न भएको हो ।
कौशल बहादुर सोनीको अध्यक्षता तथा झमनसिंह थापा मगरको सञ्चालनमा अघि बढेको सो कार्यक्रममा शहीदहरूप्रति मौन धारणपछि उपस्थित जनसमुदायलाई पार्वती अचार्यले स्वागत गर्नुभएको थियो ।
कार्यक्रमलाई समाजका केन्द्रीय परिषद सदस्य तथा क्षेत्रीय सदस्य इश्वर आचार्यले कार्यक्रमको शुभारम्भ गर्नु भएको थियो । सो अवसरमा सम्बोधन गर्दै उहाँले नेपाली समाजमा फैलिएको कूरीति र अन्धविश्वासलाई समाप्त गर्न आह्वान गर्दै, भारतस्थित नेपालीहरूको अवस्था र मूल प्रवाहले निभाउनु पर्ने भूमिकाको बारेमा स्पष्ट पार्नुभयो ।
साथै, नेपालको वर्तमान राजनीतिक अवस्थाबारे प्रष्ट पार्दै सम्पुर्ण उपस्थीत नेपाली समुदायहरूलाई संगगठन मा आबद्ध हुन आह्वान गर्नु भयो।
कार्यक्रममा बाबुराम चुडाली, राजु शर्मा, सीमा सोनी, चन्द्र गाहा मगरले शुभ कामना मन्तव्य राख्नु भएको थियो ।
