खिमराज चालिसे, चंडिगढ ।
मूल प्रवाह अखिल भारत नेपाली एकता समाज महिला विभागको आयोजनामा भारतब्यापी रुपमा प्रगतिशील तीजी कार्यक्रमहरु सम्पन्न भएका छन् ।
महिला विभागले नेपाली नारीहरुको महान पर्व तीजको अवसर पारेर मंगलबार ‘गणतन्त्र र राष्ट्रियताको रक्षा गरौँ, भारतस्थित प्रवासी नेपालीहरुको मताधिकार तथा समानुपातिक प्रतिनिधित्व सुनिश्चित गरौँ’ भन्ने मूल नाराको साथ भारतका विभिन्न शहरमा कार्यक्रम आयोजना गरेको हो ।
चंडिगढ
मूलप्रवाह अखिल भारत नेपाली एकता समाज चंडिगढ नगर समितिद्वारा सञ्चालित महिला विभाग चंडिगढको आयोजनामा तीजी कार्यक्रम सम्पन्न भएको छ ।
कार्यक्रम मूल प्रवाहका केन्द्रीय सदस्य दिनेश खडकाले उद्घाटन गर्दै तीजलाई प्रगतिशील रुपान्तरण गर्दै वर्गीय मुक्ति आन्दोलनसँग जोड्न पर्ने धारणा राख्नु भएको थियो ।
शुभकामना दिँदै मूल प्रवाह सुदूरपश्चिमोत्तर क्षेत्रीय सदस्य जुना चालिसेले आधा धर्ति ओगटेका महिलाहरुले संगठित वर्ग संघर्षको आन्दोलनमा होमिएर मात्र महिला अधिकारको संरक्षण हुन सक्ने बताउनु भयो ।
मूल प्रवाहका केन्द्रीय सदस्य तथा नेपाली समाचार संयोजक खिमराज चालिसे, केन्द्रीय सल्लाहकार प्रेम आचार्य, रक्तिम केन्द्रीय विभागका बिनु नेपाली, जनजाति नेता थमन थापा, परिषद सदस्य मान बहादुर केसी, समताका अर्जुन बिकको पनि आतिथ्यता रहेको थियो ।
उक्त कार्यक्रममा महिला विभागबाट गीत तथा नृत्य प्रस्तुतपछि विभिन्न बाल प्रतिभाहरको मञ्चमा प्रस्तुति रहेको थियो भने बाल कलाकार पवन विकलाई सम्मान गरिएको थियो ।
कार्यक्रम जमुना खनालको सञ्चालन तथा माया आचार्यको अध्यक्षतामा सम्पन्न भएको थियो भने स्वागत कुमारी थापाले गर्नु भएको थियो।
रोपड
एकता समाज रोपड नगर समितिद्वारा सञ्चालित महिला विभाग रोपडको आयोजनामा तीजी कार्यक्रम सम्पन्न भएको छ ।
महिला विभाग सुदूरपश्चिमोत्तर क्षेत्रीय संयोजक सिता सापकोटाले उद्घाटन गर्दै सबै महिलाहरु मूल प्रवाहको झन्डामुनी गोलबन्द हुँदै सशक्त संघर्ष गरेमा मात्र महिला मुक्ति आन्दोलनमा टेवा पुग्ने बताउनु भयो ।
समाजका केन्द्रीय सचिव तथा सुदूरपश्चिमोत्तर क्षेत्रीय अध्यक्ष प्रेम सापकोटा, क्षेत्रीय सदस्यहरु शिवलाल लामिछाने र खगी थापा, नगर अध्यक्ष ओम प्रकाश सापकोटा लगाएतले शुभकामना दिनु भएको थियो ।
कार्यक्रम हरिकला कडेलको सञ्चालनमा तथा नगर संयोजक मन्जु थापाको अध्यक्षतामा सम्पन्न भएको थियो भने स्वागत रुपा कार्कीले गर्नु भएको थियो।
श्रीगंगानगर
एकता समाज श्रीगंगानगर नगर समितिद्वारा सञ्चालित महिला विभाग श्रीगंगानगरको आयोजनामा प्रगतिशील तीजी कार्यक्रम सम्पन्न भएको छ।
मूल प्रवाहका केन्द्रीय सचिव त्रिभुवन भट्टराईले कार्यक्रमको उद्घाटन गर्दै महिला अधिकार र प्रगतिशील तीजबारे प्रकाश गर्नुभएको थियो ।
केन्द्रीय सदस्य कृष्ण जिसी, क्षेत्रीय सदस्य गिरुप्रसाद न्यौपाने, क्षेत्रीय सदस्य हुमबहादुर विक, विष्णु प्रसाद न्यौपाने, सुनिता भट्टराई, बाग्मती केसी, कमल खडका, प्रेम विक लगाएतले शुभकामना दिनुभएको थियो ।
रेशम भण्डारीको सञ्चालनमा तथा वसन्ता नेपालीको अध्यक्षतामा सम्पन्न भएको कार्यक्रममा स्वागत बाग्मती केसीले गर्नुभएको थियो ।
हैदराबाद
एकता समाज मध्य दक्षिण क्षेत्रीय महिला विभागको आयोजनामा प्रगतिशील तीजी कार्यक्रम हैदराबादको मल्लपुरमा सम्पन्न भएको छ। मूल प्रवाहका वैकल्पिक केन्द्रीय सदस्य कृष्णबहादुर थापाले कार्यक्रमको उद्घाटन गर्दै महिलाहरु समाजका मुख्य शक्ति भए पनि अहिलेसम्म अधिकार नपाएको बताउनु भयो ।
उहाँले महिला समाजमा विभेद, दमन, अन्याय र अत्याचारको जातोमुनी पिल्सिएर बस्नु परेको बताउनुभयो । त्यस्तै, मूल प्रवाहका केन्द्रीय सदस्य भिमबहादुर थापा, रक्तिम केन्द्रीय विभागका सदस्य झलक पुन, क्षेत्रीय सचिव तिलक राना, कोषाध्यक्ष घनश्याम शर्मा, क्षेत्रीय सचिवालय सदस्य वीर बहादुर विकले शुभकामना दिनुभएको थियो ।
कार्यक्रममा मूल प्रवाहका मध्य दक्षिण क्षेत्रीय अध्यक्ष रामप्रसाद पौडेल, उद्योग तथा बाणिज्य बिभागको तर्फबाट रनबहादुर पौडेलको पनि आतिथ्यता रहेको थियो।
उक्त तीजी कार्यक्रममा तीजलाई परम्परागत र छाडा प्रकारले समाजमा विकृति फैलाइरहेको बेला त्यसको विकल्पमा प्रगतिशील प्रकारले देश र जनताको पक्षमा आवाज बुलन्द गर्न सबैलाई आह्वान गरिएका गितहरु र नृत्यहरु प्रस्तुत गरिएका थिय।
विभिन्न एरियाहरुको तर्फबाट शन्देशमूलक गीत नृत्य प्रस्तुत गरिएको थियो । पुष्पा पौडेलको अध्यक्षता, माया थापाको सञ्चालन तथा गुमा रानाको स्वागतमा कार्यक्रम सम्पन्न भएको थियो ।
