जगत्प्रसाद रेग्मी, काठमाडौँ ।
अखिल नेपाल किसान महासङ्घ (अप्फा) काठमाडौँअन्तर्गत बुढानिलकण्ठ नगर भेला २०७९ भदौ ९ गते सम्पन्न भएको छ ।
भेलामा नेकपा (मसाल) काठमाडौँका प्रवक्ता जगत्प्रसाद रेग्मीले कृषिको बारेमा र किसान आन्दोलन, अनि किसानका हकहितका बारेमा प्रष्ट पार्दै किसान राजनैतिक रूपले सचेत र सङ्गठित नभई मुक्ति सम्भव नहुने बताउनुभयो ।
त्यस्तै, राष्ट्रिय जनमोर्चा काठमाडौँका सचिव छवि खनालले स्थानीय किसानका समस्याको बारेमा बोल्दै सामुहिक रूपमा अघि बढ्न आवश्यक भएको बताउनुभयो ।
भेलामा अप्फा काठमाडौँका अध्यक्ष केबी घलेले अप्फाको नीति र विधान, सुकुम्बासी आयोग, किसान आयोगलगायतका विषयमा मन्तव्य राख्नुभएको थियो ।
भेलामा अप्फाका जिल्ला सदस्य बेगमबहादुर खड्काले विषयवस्तु प्रस्तुत गर्नुभएको थियो ।
भेलामा सहभागीको तर्फबाट ज्ञानेन्द्रबहादुर शेरचन र तुल्सी गुरागाईले स्थानीय समस्याको कुराकानी राख्नुभएको थियो ।
भेलाले ज्ञानेन्द्रबहादुर शेरचनको सयोजकत्वमा सात सदस्यीय नगर भेला आयोजक समिति गठन भएको छ । समितिको अन्य सदस्यमा तुलसी गुरागाई, लाक्पा तामाङ, विनोद पौडेल, रवि पौडेल, छवि खनाल र प्रदीप प्रधान रहनुभएको छ ।
