शङ्करप्रसाद पोख्रेल, बुटवल ।
अखिल नेपाल महिला सङ्घ रुपन्देहीको आयोजनामा तिजी कार्यक्रम सम्पन्न भएको छ ।
राष्ट्रिय जनमोर्चाको प्रदेश कार्यालय चाँचमारीमा २०७९ भदौ ४ गते सो कार्यक्रम सम्पन्न भएको हो ।
भानु केसीको अध्यक्षता तथा लक्ष्मी कुँवरको सञ्चालनमा अगाडि बढेको उक्त कार्यक्रममा महिलाको हक, हित र अधिकार, सङ्घीयताको खारेजी, नागरिता विधेयक र एमसिसीको खारेजी जस्ता विषय गीतमार्फत् व्यक्त गरिएको थियो ।
कार्यक्रममा राजमो केन्द्रीय सदस्यीय इन्दिरा ज्ञवाली, राजमो केन्दीय सल्लाहकार तथा रुपन्देही जिल्ला अध्यक्ष बद्रे आलम, कम्युनिस्ट सङ्ग्रहालयका अध्यक्ष चेतनाथ आचार्य, अखिल नेपाल बुद्धिजीवी सङ्घका केन्द्रीय सदस्य दुर्गानाथ खरेल, अखिल नेपाल राष्ट्रिय उद्योग व्यापार सङ्घका अध्यक्ष ढुण्डिराज शर्मा, अखिल (छैटौँ) का सागरजङ्ग एमसी, प्रगतिशील पत्रकार सङ्घका केन्द्रीय सदस्य शङ्करप्रसाद पोख्रेल, राजमो बुटवलका अध्यक्ष पदम श्रेष्ठ, राजमो नेता कमला बन्जाडे, रक्तिमका पूर्व केन्द्रीय सदस्य सुमन रोकालगायतको उपस्थिति थियो ।
