बागलुङ । गल्कोट नगरपालिका वडा नं. ११ रिघामा राष्ट्रिय जनमोर्चाको वडा भेला सम्पन्न भएको छ ।
साउन २४ गते सानो रिघामा सम्पन्न भेलालाई राजमो केन्द्रीय सदस्य तथा गण्डकी प्रदेश सह–इञ्चार्ज गौरीश्वर पाण्डेले प्रमुख अतिथिको आशनबाट सम्बोधन गर्नुभयो ।
सो अवसरमा पाण्डेले सदनबाट नागरिकता विधेयक पास हुनु राष्ट्रघाती कदम भएको टिप्पणी गर्नु भयो । राष्ट्रको हितका लागि दलहरुबिचको एकता अनिवार्य भएता पनि राष्ट्रिय हितलाई सर्वोपरी राखी राष्ट्रिय जनमोर्चाले दिर्घकालीन हितका पक्षमा आवाज उठाई रहेको बताउनु भयो ।
वडा भेलाको अध्यक्षता कुल बहादुर थापा तथा सञ्चालन दल बहादुर बुढाथोकीले गर्नु भएको थियो ।
राष्ट्रिय जनमोर्चा गण्डकी प्रदेश सचिव वेदीलाल सापकोटा, अखिल नेपाल युवक संघका महासचिव तथा बडिगाड गाउँपालिकाका उपाध्यक्ष भिमसेन वन, जिल्ला सदस्य कृष्णा पुन र गल्कोट नगर सदस्य तथा निर्वाचित वडा नं. ९ का वडा सदस्य नारायण सापकोटाले भेला सफलताका शुभकामना दिनु भएको थियो ।
भेलाले भक्तिराम पुनको अध्यक्षतामा २१ सदस्यीय राष्ट्रिय जनमोर्चा गल्कोट नगरपालिका ११ को वडा समिति गठन गरेको छ । जसको उपाध्यक्ष कुल बहादुर थापा, सचिव दल बहादुर बुढाथोकी, सहसचिव रन बहादुर थापा श्रीस, कोषाध्यक्ष गंगा बहादुर सिंजाली चयन हुनुभएको छ ।
सदस्यहरु लक्ष्मण भुजेल थापा, रिमलाल थापा, डम्मर बहादुर थापा, छम बहादुर थापा, उषा राना, ज्ञानी राना, होमा राना, भिम बहादुर घर्ति, श्यामकली सिंजाली, धनमाया वि।क।, बल बहादुर लोहार, रुम बहादुर काउचा, कुन्ति थापा, तुल बहादुर सिंजाली, पूर्ण बहादुर भुजेल र किसान विक रहनु भएको छ ।
भेलाले टोल समिति समेत गठन गर्ने निर्णय गरेको छ ।
