काठमाडौं । नेपाल कम्युनिष्ट पार्टी (मसाल) ले जन्मका आधारमा नागरिकता प्राप्त गरेका व्यक्तिलाई बंशजको नागरिकता दिने प्रयास भइरहेकोप्रति आपत्ति जनाएको छ । जन्मका आधारमा प्राप्त नागरिकता छानबिन गरी खारेज गर्न मसालले माग गरेको छ ।
महामन्त्री मोहनविक्रम सिंहले बुधबार एक वक्तव्य जारी गरी बुवा आमा दुवै जना वंशजको नागरिक भएको अवस्थामा मात्रै छोराछोरीलाई बंसजमा नागरिकता दिनुपर्ने स्पष्ट पार्नुभएको छ ।
देशमा बारम्बार जन्मको आधारमा नागरिकता दिने निर्णय हुँदै आएको वक्तव्यमा उल्लेख छ ।
अहिलेको विधेयकले जन्मका आधारमा नागरिकता प्राप्त गरेका नागरिकहरूका सन्तानहरूलाई वंशजको नागरिकता दिने प्रस्ताव अघि सारेको भन्दै मसालले जन्मका आधारमा नागरिकता प्राप्त गरेका सबै मानिसहरूबारे छानबिन गरेर उनीहरूको नागरिकता खारेज गर्न र उनीहरूका सन्तानहरूलाई वंशजको नागरिकता दिने प्रावधान खारेज गर्न माग गरेको छ ।
यस्तो छ वक्तव्य
