काठमाडौं । नेकपा (एकीकृत समाजवादी)को केन्द्रीय परिषद बैठक सकिएको छ । सोमबारदेखि सञ्चालन भएको बैठक विभिन्न १५ बुँदे समसायिक प्रस्ताव पारित गर्दै मंगलबार साँझ सकिएको हो ।

केन्द्रीय परिषद् बैठकमा अध्यक्ष माधवकुमार नेपालले प्रस्तुत गरेको राजनीतिक तथा सांगठनिक प्रतिवेदनमाथि छलफल भएको थियो ।

समूह नेताबाट आएको निष्कर्षसहित उठेका प्रश्नहरुको जवाफ अध्यक्ष माधवकुमार नेपाल र सम्मानित नेता झलनाथ खनालले दिनुभएको थियो ।

बैठकले भारतले सीमाक्षेत्रमा बनाएका तटबन्धका कारण तराईका विभिन्न भाग डुबानमा पर्ने गरेको भन्दै भारतसँग वार्ता गरी समस्याको समाधान खोज्न सरकारसँग माग गरेको छ ।

यस्तै, बैठकले महंगी घटाउन, खेतीपातीको समयमा मल बीउको उचित व्यवस्था गर्न, महिला तथा बालबालिकामाथि भइरहेका हिंसाविरुद्ध प्रभावकारी कदम चाल्न पनि एकीकृत समाजवादीले माग गरेको छ ।