काठमाडौं । परराष्ट्रमन्त्री डा. नारायण खड्काले स्टेट पार्टनरसिप प्रोगाम (एसपीपी) अब अगाडि बढ्न नसक्ने बताउनुभएको छ ।
प्रतिनिधिसभाको अन्तर्राष्ट्रिय सम्बन्ध समितिको बैठकमा जवाफ दिन उपस्थित भएका मन्त्री खड्काले एसपीपीको च्याप्टर क्लोज भइसकेको बताउनुभयो ।
उहाँले भन्नुभयो, ‘‘अब अघि बढ्न सक्दैन । यो नेपालको हितमा छैन। एसपीपी नेपाललाई स्वीकार्य छैन ।’
सिंहदरबारमा बसेको अन्तर्राष्ट्रिय सम्बन्ध समितिको बैठकमा एकीकृत समाजवादीका अध्यक्ष माधवकुमार नेपाल, एमाले नेता इश्वर पोखरेल, सभापति पवित्रा निरौला खरेल लगायतको उपस्थिति रहेको छ ।
बैठकमा परराष्ट्रमन्त्री डा. खड्कासहित प्रधानसेनापति प्रभुराम शर्मा उपस्थित भएका हुनुभएको छ ।
प्रधानमन्त्रीको अमेरिकी भ्रमण र नेपालको परराष्ट्र नीति कार्यान्वयनलगायतका विषयमा छलफल गर्न संसदीय समितिले बोलाएको हो।
अमेरिकी सेनाले स्टेट पार्टनरसिप प्रोग्राम (एसपीपी) सँग सम्बन्धित सैन्य सम्झौता प्रस्ताव गरेको र चाँडै हस्ताक्षर हुन लागेको भन्ने सार्वजनिक भएपछी त्यस विषयमा छलफल गर्न समितिले प्रधानसेनापति शर्मालाई बोलाएको हो।
