बाजुरा । बाजुराको पाण्डुसेनमा नेपाली कांग्रेस र नेकपा (एकीकृत समाजवादी) का कार्यकर्ताबीच झडप भएको छ ।
शुक्रबार भएको झडपमा परी दुवै पार्टीका गरी दर्जनबढी कार्यकर्ता घाइते भएका छन् भने एक जनामाथि चक्कु प्रहार भएको छ ।
बुढीनन्दा नगरपालिका–९ स्थित अगाउँपानीमा सत्तारुढ दल नेपाली कांग्रेस र नेकपा (एकीकृत समाजवादी) कार्यकर्ताबीच झडप भएको हो ।
एकीकृत समाजवादीका कार्यकर्ताले कुकुरलाई हिर्काएको विषयमा कांग्रेस कार्यकर्तासँग उत्पन्न विवाद तनावको स्थितीमा परिणत भएको प्रहरीले जनाएको छ।
जिल्ला प्रहरी कार्यालय बाजुराका अनुसार समाजवादीका कार्यकर्ताले कुकुरलाई हिर्काएको भन्दै कांग्रेसका कार्यकर्ताहरुले ढुगांमुढा गरेका लखेटेका थिए।
झडपपछि समाजवादीका कार्यकर्ताहरु पाण्डुसेनस्थित अस्थायी प्रहरी चौकीमा पुगेका थिए। उनीहरुलाई प्रहरीले संरक्षण गरेको भन्दै कांग्रेसका कार्यकर्ताहरुले प्रहरी चौकी तोडफोड गरेका पनि गरेका छन्।
झडपकै क्रममा नेकपा एकीकृत समाजवादी बाजुराका पुरबहादुर रावतमाथी चक्कु प्रहार भएको छ। झडपमा १६ जना प्रहरी, दुई जना कांग्रेस र दुई समाजवादीका कार्यकर्ता घाइते भएको प्रहरी जनाएको छ। झडपको तनावपूर्ण स्थितीलाई नियन्त्रणमा लिन प्रहरीले हवाई फायर र दर्जनौं सेल अश्रुग्याससमेत प्रहार गरेको छ।
झडपका क्रममा नेकपा एकीकृत समाजवादीका कार्यकर्ता पुरबहादुर रावतमाथी चक्कु प्रहार भएको छ । प्रमुख जिल्ला अधिकारी उपेन्द्रराज पौड्यालसहितको सुरक्षा टोली घटनास्थलतर्फ गएको जिल्ला प्रशासन कार्यालयले जनाएको छ।सदरमुकाम मार्तडीबाट घटनास्थल करिब २० किलोमिटरको दुरीमा पर्छ।
