कपिलवस्तु । वाणगंगा नगरपालिका वडा नं ५ र ६ मा चारदलीय गठबन्धनले सम्पर्क कार्यालय खोल्नुका साथै संयुक्त चुनावी अभियान सुरु गरेका छन् ।
वाणगंगामा राष्ट्रिय जनमोर्चा, नेकपा (माओवादी केन्द्र) जनता समाजवादी र नेकपा (एकीकृत समाजवादीको गठबन्धन छ । सो वडाका उम्मेदवारहरू घोषणापत्रसहित मतदाताको घरदैलोमा पुगेका छन् ।
निर्वाचन तयारीका सिलसिलामा वडा नम्बर ६ मा निर्वाचन सम्पर्क कार्यालय स्थापना गरिएको छ ।
कार्यक्रममा नगरप्रमुखका उम्मेदवार देवराज अर्याल, उपप्रमुखका उम्मेदवार कमल भट्टराईले सम्बोधन गनुृभएको थियो । कार्यक्रममा स्वागत मन्तब्य माओवादी केन्द्रका कुलराज पौडेलले राख्नुभएको थियो भने संचालन रिसर्व आचार्यले गर्नुभएको हो ।
वडा नम्बर ६ मा चारदलीय गठबन्धन अन्तरगत राष्ट्रिय जनमोर्चाबाट राम प्रसाद बेल्वासे वडा अध्यक्षका उम्मेदवार हुनुहुन्छ । यसैगरी वडा सदस्यमा सुभावती थारु, बिनोद परियार प्रतिस्प्रर्धामा हुनुहुन्छ भने महिला वडा सदस्यमा रिता पाण्डे र दलित महिला वडा सदस्यमा दुर्गा सुनार प्रतिस्पर्धामा हुनुहुन्छ ।
वाणगंगा ५ मा सम्पर्क कार्यालय स्थापना
यता वडा नं ५ मा गठबन्धनको सम्पर्क कार्यालय स्थापना गरिएको छ । कार्यालयको शनिबार राष्ट्रिय जनमोर्चाका जिल्ला अध्यक्ष दधिराम आचार्यले उद्घाटन गर्नुभयो ।
वाणगंगा नगरपालिकामा ४ दलीय गठबन्धनले संयुक्त चुनावी कार्यक्रम गरेको छ भने प्रत्येक वडाहरुमा घरदैलो अभियानलाई पनि तीब्र पारेको छ ।
