दाङ । तुलसीपुर उपमहानगरपालिका – ४को रक्षाचौरमा राष्ट्रिय जनमोर्चाको टोल भेला सम्पन्न भएको छ । मंगलबार भएको भेलामा राष्ट्रिय जनमोर्चाका दाङ जिल्ला सचिवालय सदस्य शुक्रराज भण्डारीले प्रशिक्षणात्मक मन्तब्य राख्नु भएको थियो ।
उहाँले देशमा आर्थिक संकट एकाएक आकस्मिक रूपमा नआएको बताउँदै संघीयताका कारण खर्च बढनगई आर्थिक संकट उत्पन्न भएको बताउनु भयो । नेता भण्डारीले राष्ट्रिय जनमोर्चाले पहिले देखि नै संघीयताको खर्च देशले धान्न नसक्ने बताउँदै आएको तर कथित ठुला दलहरूले विदेशीको ईसारामा जबरजस्ती संघीयताको भारी बोकाउदाँ यो स्थिति आएको बताउनु भयो ।
भेलालाई सम्बोधन गर्दै भण्डारीले स्थानिय जनसरोकारका बिषयलाई जनताको पक्षमा सम्बोधन गर्न र संघीयता संगै गाउँ गाउँमा भित्रिएको भ्रष्टाचार र बेथितिको अन्त गर्न राष्ट्रिय जनमोर्चाका प्रतिनिधिहरूलाई निर्वाचित गराउन जनता संग अपिल गर्नु भयो ।
त्यस्तै, भेलालाई राष्ट्रिय जनमोर्चा जिल्ला समिति दाङका सल्लाहकार दोर्ण घर्ती मगर, नगर समितिका सदस्य दुर्गाप्रसाद खनाल, नगर सल्लाहकार ढुण्डीराज खनाल, – ४ का सचिव वसन्त भण्डारी लगायतले सम्वोधन गर्नु भएको थियो ।
राष्ट्रिय जनमोर्चा तुलसीपुर उपमहानगरपालिका –४ का अध्यक्ष टिकाराम पोख्रेलको अध्यक्षता, कोषाध्यक्ष शान्ता खनालको सञ्चालन र वडा समितिका सल्लाहकार मनबहादुर गुरूङको स्वागतबाट भेला शुरुभएको थियो ।
