शिव पन्थी, प्यूठान ।
राष्ट्रिय जनमोर्चाको माण्डवी गाउँपालिका वडा नम्बर ४को आयोजनामा अगुवा कार्यकर्ता भेला सम्पन्न भएको छ ।
भेलामा कृष्णबहादुर बाठा लगाएत एक दर्जन एमालेका नेता कार्यकर्ता राजमोमा प्रवेश गर्नुभएको छ ।
त्यस्तै, राजमो कार्यकर्ता वसन्ति बाठाले केही दिन अगाडि समूहको भेला छ भनि झुक्याएर एमालेले अबीर लगाई दिएको बताउँदै आफू राजमोमै रहेको विज्ञप्तिमार्फत जानकारी दिनुभएको छ ।
अखिल नेपाल युवक संघका केन्द्रीय अध्यक्ष कृष्ण पाण्डेको प्रमुख अतिथ्यता रहेको कार्यक्रममा राजमोका केन्द्रीय सदस्य खगा राना, जिल्ला सहसचिव लालबहादुर राउत, स्वगद्वारी नगरपालिकाका सदस्य शिव पन्थी, माण्डवी गाउँपालिकाका अध्यक्ष शकर आचार्य, सचिव नरेन्द्र खड्का लगाएतका विभिन्न नेता तथा कार्यकर्ताहरुको उपस्थिति रहेको थियो ।
भेलाले कृष्णबहादुर बाठाको अध्यक्षतामा वडा समिति गठन गरेको छ । समितिको उपाध्यक्षमा डोमबहादुर बाठा, सचिव निमा घर्तीमगर र कोषाध्यक्षमा दिलबहादुर सार्की चयन हुनुभएको छ ।
सदस्यहरूमा जीवबहादुर सार्की, लक्ष्मी बाठामगर, लक्ष्मी घर्तीमगर, नमबहादुर नेपाली, रूमा घर्तीमगर रहनु भएकोछ ।
