बुटवल । बुटवल उमहानगरपालिकामा राष्ट्रिय जनमोर्चाको वडा समिति पुनर्गठन भएको छ । बुधबार सम्पन्न भेलाले समिति पुनर्गठन गरेको हो ।
पुर्नगठित समितिको अध्यक्ष प्रेम प्रसाद आचार्य, उपाध्यक्ष बसन्ता आचार्य, सचिव गंगा थापा, सहसचिव शेरबहादुर दर्लामी र कोषाध्यक्ष विमला खड्का चयन हुनुभएको छ ।
सदस्यहरुमा प्रेम चालिसे, धनुकला आचार्य, टीकाराम शर्मा, ज्ञान कुमारी रेग्मी, लिलावती थापा, निर्मली आचार्य रहनु भएको छ ।
त्यसैगरी भेलाले तीन सदस्यीय निर्वाचन परिचालन समिति र १५ सदस्यीय प्रचार प्रसार समिति समेत गठन गरेको छ । परिचालन समितिको संयोजक नन्दलाल आचार्य र प्रचार प्रसार समितिको संयोजक प्रेम प्रसाद आचार्य रहनु भएको छ ।
सो भेलालाई सम्बोधन गर्दै राष्ट्रिय सभाका सदस्य तुल प्रसाद विश्वकर्माले देशमा एकातिर प्रतिक्रियावादीहरूले राजतन्त्र ब्युँताउने प्रयास र अर्कोतिर साम्राज्यवादीहरूले देशको सार्वभौमिक अखण्डतामाथि हमला गरिरहेका छन् भन्नुभयो । उहाँले अत्यन्तै सतर्कतापूर्वक उनीहरुको गलत हर्कतको भण्डाफोर गर्नु पर्ने आवश्यकतामा जोड दिनुभयो ।
उहाँले संसदबाट पास भएको एमसीसीले नेपाललाई अमेरिकी क्याम्पका धकेलेको भन्दै एमसीसी खारेज गर्नुपर्नेमा जोड दिनुभयो ।
कार्यक्रममा वामपन्थी नेता चेतनाथ आचार्य र राष्ट्रिय जनमोर्चा वुटवल उपमहानगरपालिका अध्यक्ष पदम प्रसाद श्रेष्ठले पनि बोल्नुभएको थियो ।
साथै, वुटवल ३ मा पनि राष्ट्रिय जनमोर्चा जिल्ला समिति रूपन्देहीका कोषाध्यक्ष कृष्णप्रसाद पोखरेललको प्रमुख आतिथ्यता र थाम बहादुर पुनको अध्यक्षतामा स्थानीय चुनाव केन्द्रित भेला सम्पन्न भएको छ ।
भेलाले पाँच सदस्यीय आर्थिक व्यवस्थापन समिति र १५ सदस्यीय प्रचार प्रसार समिति गठन गरेको छ ।
