बागलुङ । बागलुङ नगरपालिका वडा नं. १३ पैयुपाटामा राष्ट्रिय जनमोर्चाको निर्वाचन केन्द्रित भेला सम्पन्न भएको छ ।
भेलामा राष्ट्रिय जनमोर्चा बागलुङका सदस्य लोकनाथ शर्मा, राजमो जिल्ला सदस्य तथा बागलुङ नगर अध्यक्ष थानेश्वर सुवेदी, जिल्ला सदस्य योगेन्द्र पौडेल लगायतले मन्तब्य राख्नु भएको थियो ।
भेलाले बागलुङ नगरपालिका वडा नं.१३ पैयुपाटाको स्थानीय निर्वाचनका लागि प्रेम रोकाको संयोजकत्वमा ५ सदस्यीय निर्वाचन परिचालन समिति, तिलक बहादुर रोकाको संयोजकत्वमा ५१ सदस्यीय निर्वाचन प्रचारप्रसार समिति, कृष्ण प्रसाद लामिछानेको संयोजकत्वमा ५ सदस्यीय आर्थिक समिति र टेक बहादुर आरसीको संयोजकत्वमा १३ सदस्यीय स्वंयसेवक परिचालन समिति गठन गरेको छ ।
यस्तै, प्रेम बहादुर रोकाको संयोजकत्वमा भूपू सैनिक परिचालन समिति, तिलक बहादुर रोकाको संयोजकत्वमा युवा परिचालन समिति चयन गरेको छ ।
कार्यक्रम तिलक बहादुर रोकाको अध्यक्षता, टेक बहादुर आरसीको सञ्चालन र प्रेम रोकाको स्वागत मन्तब्यमा सम्पन्न भएको थियो ।
त्यस्तै, जैमिनि नगरपालिका– ५ को बिनामारेमा पनि निर्वाचन केन्द्रित भेला सम्पन्न भएको छ । भेलामा प्रमुख अतिथि राजमोका केन्द्रीय सदस्य दिलबहादुर दर्जि अतिथिहरु राजमो बागलुङका सदस्य तथा जैमिनी नगर अध्यक्ष डिलबहादुर श्रीस बाम पंथी नेता नरबहादुर पुन , युवक संघ जिल्ला सचिव बिरेन्द्र थापा, राजमो नगर सदस्य तथा जैमिनी वडा न ५ का अध्यक्ष गोपाल पौडेल लगायतले मन्तब्य राख्नु भएको थियो ।
भेलाले जैमिनी नगरपालिका –५ बिनामारेको स्थानीय निर्वाचनका लागि बालाकृष्ण पौडेल संयोजकत्वमा ९ सदस्यीय निर्वाचन परिचालन समिति, गोपाल प्रसाद शर्माको संयोजकत्वमा ९५ सदस्यीय निर्वाचन प्रचारप्रसार समिति, केदार शर्माको संयोजकत्वमा ५ सदस्यीय आर्थिक समिति, हरि पौडेलको संयोजकत्वमा २५ सदस्यीय स्वंयसेवक परिचालन समिति परिचालन समिति चयन गरेको छ ।
भवानी प्रसाद पाण्डेको अध्यक्षता, नारायण शर्माको सञ्चालन र प्रबन्ध बिकको स्वागत मन्तब्यमा कार्यक्रम सम्पन्न भएको थियो ।
