गणेश अधिकारी, पोखरा ।
एम.सी.सी. विरुद्ध आठ दलको केन्द्रीय कार्यक्रमअन्तर्गत २०७८ फागुन ३० गते कास्कीको पोखरामा मजदुरहरूले प्रदर्शन गरेका छन् ।
छ राजनीतिक दल र दुई मोर्चा सम्बन्धित मजदुर मोर्चाहरूले राष्ट्रघाती एम.सी.सी. को विरुद्धमा पोखरा औद्योगिक क्षेत्रमा प्रदेशन गरेका हुन् ।
सो अवसरमा मजदुरहरूले मार्चपास गर्दै एम.सी.सी. चाहिँदैन, अमेरिकी साम्राज्यवाद मुर्दावाद, दलालहरू होसियार, देश बेच्न पाइँदैन लगायतका नारा लगाएका थिए ।
जुलसका साथै सम्पन्न कोणसभालाई सम्बोधन गर्दै अखिल नेपाल ट्रेड युनियन महासङ्घका केन्द्रीय सदस्य नामबहादुर बाठामगरले मजदुरका हक–अधिकार, श्रम ऐन, औद्योगिक सुरक्षा बल, न्यून पारिश्रमिकको बारेमा समेत आवाज उठाउनुभएको थियो ।
त्यस्तै उहाँले एम.सी.सी. को विरोध र अमेरिकी साम्राज्यवाद र त्यसका दलालहरूको सत्तालिप्साले गर्दा राष्ट्रियता सदैव खतरामा रहने गरेको बताउनुभएको थियो ।
त्यसैगरी, अखिल नेपाल क्रान्तिकारी ट्रेड युनियनका केन्द्रीय सदस्य तथा प्रदेश इन्चार्ज कालीबहादुर पाण्डेले समेत सम्बोधन गर्नुभएको थियो ।
कार्यक्रमको सञ्चालन मजदुर नेता लोकेन्द्र राईले गर्नुभएको थियो ।
