रिसव आचार्य, बुटवल ।
रुपन्देहीका चार विद्यार्थी सङ्गठनले एम.सी.सी. खारेजीको माग गर्दै फागुन २६ गते बुटवलमा विरोधसभा सम्पन्न गर्ने भएका छन् ।

२०७८ फागुन २० गते उनीहरूको संयुक्त बैठकले यस्तो निर्णय गरेको आजै जारी प्रेसवक्तव्यमा जनाइएको छ ।

त्यस्तै, उनीहरूले नेपाल आयल निगमले जनताको ढाड सेक्ने गरी पेट्रोलियम पदार्थको मूल्यवृद्धि गरेकोमा मूल्यवृद्धि फिर्ता लिन तथा कालोबजारी खारेज गर्न माग गरेका छन् ।

प्रेसवक्तव्यमा अखिल (छैठौं) का जिल्ला सचिव मिलन परियार, अखिल (क्रान्तिकारी) का जिल्ला उपाध्यक्ष पारस राहाडी मगर, अखिल (क्रान्तिकारी) का जिल्ला अध्यक्ष सङ्ग्रामभिउ थापा र वैज्ञानिक समाजवादी विद्यार्थी सङ्गठनका जिल्ला नेता तुलराज विश्वकर्माको हस्ताक्षर रहेको छ ।