काठमाडौँ । राष्ट्रिय जनमोर्चा काठमाडौँले राजधानीको वनस्थली र बालाजुमा कोणसभा तथा जुलुस सम्पन्न गरेको छ ।
नेपालबन्दको समर्थनमा २०७८ फागुन १६ गते दुई ठाउँमा कोणसभा तथा जुलुस सम्पन्न भएका हुन् ।
कार्यक्रमको सुरुआतमा बालाजु चोकमा कोणसभा सम्पन्न भएको थियो ।
सभालाई राजमो केन्द्रीय सचिव हिमलाल पुरीले सम्बोधन गर्नुभएको थियो ।
सो अवसरमा उहाँले चार दलले राष्ट्रघाती एम.सी.सी. पारित गरेको विरोधमा आफूहरूले नेपालबन्द गरेको जानकारी दिनुभयो ।
त्यसपछि प्रदशनकारीहरूले बालाजु चोकसम्म जुलुस प्रदर्शन गरेमा थिए । सो क्रममा उनीहरूले एम.सी.सी. को विरोधमा चर्का चर्का नारा लगाएका थिए ।
बालाजु चोकमा पुगेपछि पुनः अर्को कोणसभा सम्पन्न भएको थियो ।
सभालाई राजमो केन्द्रीय सदस्य लालबहादुर थापाले सम्बोधन गर्दै चारदलीय सरकारले एम.सी.सी. पास गरे पनि नेपाली जनताले त्यसलाई कहिल्यै स्वीकार नगर्ने दाबी गर्नुभयो ।
दुवै स्थानका कोणसभाको सञ्चालन जातीय समता समाजका महासचिव भक्त विकले गर्नुभएको थियो ।
